«Школа нараджэння» прайшла ў Навагрудку (фотарэпартаж)

 

З 6 па 11 ліпеня 2018 г. Рада па Справах сям’і пры Канферэнцыі Каталіцкіх Біскупаў Беларусі арганізавала т.зв. “Школу нараджэння” для сужэнцаў, гінеколагаў, акушэраў і іншых зацікаўленых, мэта якой — падрыхтоўка бацькоў да натуральных родаў. Яна прайшла ў Беларусі ўжо восьмы раз, сёлета ў Навагрудку, удзел у ёй прынялі: рыма-католікі і праваслаўныя з Мiнска, Гродна, Бабруйска, Гомеля, Лiды, Жодзіна, Магілёва i Баранавічаў.

Сем’і прыязджаюць на “Школу нараджэння”, каб фізічна, духоўна, інтэлектуальна і псіхалагічна падрыхтавацца да прыняцця дзяцей, а галоўнае — адкрыць Бога, які прысутнічае пры зачацці і нараджэнні чалавека.

“Школа” прапануе цыкл сустрэч, падчас якіх бацькі вучацца ўсталёўваць сувязі з зачатым дзіцём ужо з самых першых хвілін яго жыцця ва ўлонні маці, рыхтуюцца да поўнага ўдзелу ў цудзе нараджэння і вучацца правільнаму догляду нованароджанага і немаўляці.

Шмат увагі тут прысвячаецца як самому працэсу нараджэння, так і ролі бацькоў — не толькі маці, але і бацькі, бо роды — важная сямейная падзея. Кожны ўдзельнік мог адкрыць, наколькі патрэбна падтрымка мужа, якая гэта цяжкая і адказная праца і што такое натуральныя роды.

Курсы рыхтуюць перш за ўсё будучых “інструктараў”, якія будуць дапамагаць маладым бацькам у падрыхтоўцы да родаў.

На працягу гэтых дзён праходзiлi сустрэчы, падчас якіх удзельнікі паглыблялi свае веды ў практыкаваннях для цяжарных, музыкатэрапіi, падрыхтоўцы да народзінаў, доглядзе нованароджанага. Заняткі праходзiлi ў цікавай і разнастайнай форме: гэта слуханне лекцый, прагляд фільмаў і абавязкова малітва за дзяцей. Сёлета курсы праводзілі сужэнская пара, акушэр-гінеколаг з Варшавы.

“Школа нараджэння” носіць хрысціянскі характар — абапіраецца на малітву і асабістую размову з Богам. Прадметныя веды па медыцыне былі цесна звязаны з малітвай. Галоўным пунктам дня была Эўхарыстыя.

Дзякуючы добрым уражанням удзельнікаў з папярэдніх гадоў, “Школа нараджэння” — гэта працэс, які не заканчваецца пасля пяці дзён, а заахвочвае новых людзей да ўдзелу ў плануемых занятках у будучыні.

Ірына Мялешка

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
14.07.2018 Грамадства, Фотарэпартаж| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты