Міжнародная Амністыя заклікае беларусаў ратаваць іранца Джамшыдыяна ад дэпартацыі

Мехрад
Міжнародная Амністыя выступіла ў падтрымку грамадзяніна Ірану Мэхрдада Джамшыдыяна, які знаходзіцца ў ізалятары на Акрэсціна ў Меіску ў чаканьні дэпартацыі.

Міжнародная Амністыя заклікае пісаць лісты на адрас міністра ўнутраных справаў Беларусі Ігара Шуневіча і начальніка дэпартамэнту грамадзянства і міграцыі МУС Аляксея Бегуна з просьбай вызваліць Мэхрдада Джамшыдыяна і спыніць ягоную дэпартацыю ў Іран, а таксама прадаставіць яму належную медыцынскую дапамогу, паведамляе Радыё Свабода.

Мэхрдад Джамшыдыян стала жыве ў Беларусі з 1993 году. Ён у шлюбе беларускай, яны маюць траіх дзяцей. У Іране Мэхрдаду пагражае сьмяротнае пакаранне, але беларускія ўлады маюць намер дэпартаваць яго .

Афіцыйная падстава для дэпартацыі — парушэньне міграцыйнага заканадаўства. У 2016 годзе ў Мэхрдада скончыўся тэрмін дзеяння пашпарта, і з гледзішча закону, ён жыве ў Беларусі нелегальна.

На радзіме, у Ісламскай Рэспубліцы Іран, Мэхрдаду пагражае смяротнае пакаранне: у 2011 годзе ён прыняў хрысціянства, пасля звяртаўючыся па статус уцекача, сцвярджаў, што Іран — неправавая дзяржава, у якой ужываюцца катаваньні, а смяротнае пакаранне выносіцца без справядлівага разбору.

Мэхрдад  правёў месяц у мінскім ізалятары. У яго здарыўся інфаркт, і ён трапіў у рэанімацыю

Іранскія ўлады падазравалі Мэхрдада ў падвойным забойстве — маці і брата. Аднак, у часе, калі адбылося злачынства, ён знаходзіўся за мяжой, што падцвярджаецца дакумэнтамі.

У 2017 годзе Камітэт па правах чалавека ААН (КПЧ) устанавіў, што ў выпадку выдачы Мэхрдада ў Іране яму пагражаюць катаванні і смяротнае пакаранне.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.07.2018 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты