Беларускія археолагі знайшлі амулет, якому 4,5 тысячы гадоў

4E73CC36-6CEE-4A45-B347-7834F27DB905_cx0_cy31_cw0_w1023_r1_s

Падчас раскопаў старажытнага паселішча эпохі неаліту на мяжы Бешанковіцкага і Сенненскага раёнаў археолагі знайшлі ўнікальны артэфакт — фрагмент касцяной падвескі ў форме галавы змяі.

Археолаг Максім Чарняўскі, кіраўнік экспедыцыі Інстытуту гісторыі Нацыянальнай акадэміі навук, якая стаіць лагерам ля вёскі Асавец, адносіць артэфакт да сярэдзіны 3-га тысячагоддзя да нашай эры, паведамляе Радыё “Свабода”.

«Касцяныя скульптуркі такой старажытнасці ўнікальныя ва ўсім свеце, а ў Беларусі Крывінскі тарфянік — амаль адзіны для гэтага перыяду, дзе ёсць зааморфная і антрапаморфная скульптура. Другі выраб, падобны на галаву змяі, быў знойдзены літаральна за 20 мэтраў ад гэтага месца. Праўда, здарылася гэта ў 1980 годзе! Пасля гэтага падвескі больш не трапляліся. Іншымі словамі, першая за амаль чатыры дзесяцігоддзі», — кажа археолаг.

Крывінскі тарфянік у паўднёвай частцы беларускага Паазер’я археолагі лічаць унікальным месцам — тут знаходзіцца комплекс тарфянікавых стаянак бронзавага веку. Людзі жылі на нізкім беразе возера, пасля яно забалоцілася. У выніку ў добрым стане захаваліся крэмень, кераміка, косць, драўніна і вырабы з іх. Гэтак, падчас гэтай экспедыцыі валанцёры знайшлі буйны бурштын і мініяцюрную жалейку з трубчастай косткі чаплі ці жорава. Яе ўзрост Максім Чарняўскі гэтаксама ацэньвае як 3 тысячагоддзе да нашай эры.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
01.08.2018 Цікава ведаць| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты