Арцыбіскуп Кандрусевіч адкрыў дзіцячую пляцоўку ў касцёле святога Роха

Золотая горка
У Мінску 16 жніўня адбыўся фэст ў парафіі Найсвяцейшай Тройцы (святога Роха) на Залатой Горцы з удзелам арцыбіскупа Тадэвуша Кандрусевіча.

У межах адпустовай ўрачыстасці адбылася выставы рэтрааўтамабіляў. Побач з машынамі рознага прызначэння, якія ездзілі па сталічных вуліцах паўстагоддзя таму і нават больш, працаваў рэлігійны кірмаш, паведамляе catholic.by.

На сцяне змясціліся 17 працаў фотамастачкі Ірыны Ермаковай, зробленых ёю падчас падарожжаў у Марока, Венецыю і Нью-Ёрк.  Першую персанальную выставу Ірына назвала «Новыя землі».

Ірына Ермакова — адна з верніц залатагорскай парафіі, у якой нямала творчых людзей: ёсць тут і мастакі, і музыканты, і літаратары.

На гэта звярнуў увагу арцыбіскуп Тадэвуш Кандрусевіч падчас гаміліі.

«Залатая Горка — месца, дзе, як і ў кожным касцёле, чалавек можа атрымаць аздараўленне ад хваробы граху і стаць па-сапраўднаму „залатым“ хрысціянінам: такім, які ззяе золатам веры і добрых учынкаў»,— сказаў на заканчэнне гаміліі арцыбіскуп Тадэвуш Кандрусевіч.

Арцыпастыр падзякаваў пробашчу парафіі кс. каноніку Юрыю Санько за добры працяг працы, распачатай на Залатой Горцы яго папярэднікамі: кс. Міхалам Сапелем і біскупам Юрыем Касабуцкім.

Пасля заканчэння Імшы адбылося адкрыццё шматфункцыйнай дзіцячай прасторы з пляцоўкай для гульняў. Арцыбіскуп Кандрусевіч прапанаваў святарам першымі яе выпрабаваць і сам падаў прыклад, сеўшы на арэлі разам з біскупам Юрыем Касабуцкім.

Гэтая шматфункцыйная прастора пры касцёле на Залатой Горцы была створана па ініцыятыве моладзевай місіі «Чыстае сэрца», якую ўзначальвае пробашч залатагорскай парафіі кс. канонік Юрый Санько, пры падтрымцы амбасады Польшчы ў межах праекта «Формула поспеху».

Амбасадар Польшчы Артур Міхальскі, які ўдзельнічаў ва ўрачыстасці разам са сваім сынам, пазнаёміў прысутных з гэтым дабрачынным праектам.

Пасля прамовы дыпламата арцыбіскуп Тадэвуш Кандрусевіч благаславіў пляцоўку.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
18.08.2018 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты