У Мядзельскім раёне адкрылася выстава талентаў ад Бога

выставка
У вёсцы Канстанцінава блізу Мядзеля ў парафіі Унебаўзяцця Найсвяцейшай Панны Марыі 18 жніўня адкрылася выстава «Кожны талент ад Бога», на якой прадстаўленая творчасць мясцовых парафіянаў.

Адметнасць гэтай выставы ў тым, што аўтары прадстаўленых на ёй твораў — не прафесіяналы, а звычайныя вяскоўцы. Але кожны з іх акрамя асноўнай працы і звычайных хатніх клопатаў мае яшчэ нейкае хобі, у якое ўкладае сэрца, паведамляе catholic.by.

Варта заўважыць і ацаніць талент кожнага простага чалавека, – лічыць пробашч парафіі кс. Алег Мурзіч. «Калі я хадзіў па дамах парафіянаў, то заўважыў, што гэта вельмі таленавітыя людзі. Хтосьці малюе для сябе, хтосьці тчэ прыгожыя беларускія палавікі, хтосьці вышывае: ніткамі ці нават бісерам. І вось мы падумалі, а чаму б не зрабіць выставу? Такая задума з’явілася ў адной з нашых парафіянак Лідзіі Феакціставай, і як паказў час, яна аказалася плённай», – апавядае ён.

Усяго на выставе прадстаўленыя працы 16 аўтараў. Усе яны звычайныя, простыя людзі, але ўмеюць заўважыць хараство і імкнуцца яго перадаць праз свае творы. Сярод экспанатаў ёсць і іконы, і маляўнічыя пейзажы, і фігуркі з дрэва, і хатнія ручныя вырабы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі