Юбілейная «Камяніца» сабрала людзей пад Мінскам (фотарэпартаж)

1 верасня ў Музеі народнай архітэктуры і побыту ў пасёлку Азярцо пад Мінскам прайшоў дзесяты, юбілейны фестываль «Камяніца з Банкам БелВЭБ».

Госці маглі паслухаць музыку адразу на трох сцэнах. На інтэрактыўнай выступалі розныя фальклорныя калектывы і праекты («Чарот», «Любанскія музыкі», Кetri, «Гаманіна», «Коліснія», «Кудмень», «Таняжанка», «Любанскія музыкі» і іншыя), быў арганізаваны дударскі клуб, фолк-джэм і які «Спеўны сход». На сцэне ў царкве выступілі вакальны гурт «Мярэжа» і майстры колавай ліры.

А на галоўнай сцэне прагрымелі знакамітыя беларускія гурты і выканаўцы («Стары Ольса», Зміцер Вайцюшкевіч & WZ-Orkiestra, этна-трыа «Троіца», Лявон Вольскі і Павел Аракелян, Trollwald), а таксама госці з Укаіны (Joryj Kloc) і Расіі («Тесто»).

Па дарозе да галоўнай сцэны госці маглі таксама азнаёміцца з традыцыйным драўляным дойлідствам беларускіх вёсак. Таксама гледачоў чакала вялікая зона забавак, кірмаш народных майстроў, разнастайныя майстар-класы.

Асаблівасцю фестывалю была вялікая колькасць людзей у нацыянальных строях і ў вопратцы з нацыянальнай сімволікай.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
03.09.2018 Грамадства, Фотарэпартаж| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты