Паліна марыць працаваць настаўніцай

Паліне Пруднікавай 22 гады. Яна нарадзілася і жыла ў Лёзненскім раёне. Зараз жыве ў Віцебску і працуе барыстай. У яе ёсць мама і тры малодшыя сястры. Калі Паліне было 12 гадоў, тата разбіўся на машыне ў аўтакатастрофе. Яна пачала працаваць адразу пасля заканчэння школы, каб дапамагчы маці. Завочна вучылася ў педуніверсітэце на факультэце беларускай філалогіі. Марыць вярнуцца працаваць у школу выкладчыцай.

ПАЛІНА:

Самая любімая мая кава — капучына з арэхавым сіропам. Арэхавы сіроп ідэальна спалучаецца з кавай і робіць больш далікатнай каву.

Маё імя Паліна Пруднікава, мне 22 гады. Я нарадзілася і жыла ў Лёзненскім раёне. Зараз жыву ў Віцебску і працую барыстай.

У свае выходныя часцей за ўсё я езджу да маці. У мяне тры сястры. Калі мы збіраемся разам, мы любім пячы пірагі. Гэта аб’ядноўвае нас, збліжае. Хаця мы ўсе розныя і часам сварымся.

Мне было 12 гадоў, калі наш тата разбіўся на машыне, вяртаючыся з працы дадому. Маці нас чацвярых выхоўвала адна. Я была старэйшай у сям’і. Я пачала працаваць адразу пасля заканчэння школы, каб дапамагчы маці. Мая першая праца была неафіцыйнай, я працавала сядзелкай: даглядала за бабуляй.

Завочна я вучылася ў педуніверсітэце на факультэце беларускай філалогіі.

На выбар маёй прафесіі паўплывала настаўніца беларускай мовы.

Калі я была ў пятым класе, да нас прыйшла настаўніца маладая, наша класная. Яна вяла беларускую. Мне так спадабалася, мне так захацелася. І я з пятага класа гарэла жаданнем, каб пайсці вучыцца на настаўніка беларускай. Увогуле, я выканала сваю мару.

Праца барыстай мне, вядома, падабаецца. Але я не думаю, што гэта тая праца, якой я хацела б займацца ўсё сваё жыццё. Я думаю, што я вярнуся да выкладання і буду працаваць настаўніцай беларускай. Я хачу адбыцца як настаўнік, каб дзеці мяне паважалі, і я атрымлівала задавальненне ад гэтай працы.

Гэтая прадукцыя была падтрымана OPEN Media Hub за кошт сродкаў, прадастаўленых Еўрапейскім Саюзам

Алёна Шабуня, Вячаслаў Лазараў

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.09.2018 Цікава ведаць| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты