Латвія. Рыга. Папа (фотарэпартаж)

Каталікоў ў Латвіі, якая займае ў Еўропе 11-е месца па нерэлігійнасці, няшмат. Вітаць пантыфіка да Прэзыдэнцкага палаца ў Рызе 24 верасня прыйшлі ўсяго некалькі соцень вернікаў. Столькі ж было пазней і тых, хто, не маючы магчымасці прыстунічаць на экуменічным набажэнстве ў Домскім саборы з удзелам кіраўнікоў Праваслаўнай, Каталіцкай, дамінуючай Лютэранскай, а таксама баптысцкай, Цэркваў, сабраўся ля агароджы са сцяжкамі Ватыкана.

Прэзыдэнт краіны Райманд Вейёніс сустрэў Папу Францішка ў аэрапорце і пасля суправаджаў пантыфіка падчас усіх мерапрыемстваў у сталіцы краіны, дэманструючы павагу і пашану, якія відавочна выходзілі за межы прынятага ў краіны дыпламатычнага пратаколу, і адначасова – выразна свецкі падыход да сустрэчы.

Дзень, які Папа Францішак правёў у Рызе, кіраўніцтва нерэлігійнай краіны абвесціла выходным. Псавала святочны настрой у гэты дзень хіба надвор’е – вернікі суправаджалі па вуліцах пантыфіка пад амаль няспынным дажджом, які пад вечар падчас мерапрыемстваў у Аглоне ператварыўся ў залеву.

Ужо ўвечары па адной з мясцовых радыёстанцыяў палітолагі разважалі аб (не)зацікаўленасці асобай Папы Францішка гараджанаў, аб адсутнасці адмысловых сувеніраў (бо на іх няма попыту).

Тым не меней, невялічкая каталіцкая супольнасць краіны атрымала магчымасць без перашкодаў, з ухвалы кіраўніцтва краіны, пабачыць свайго Папу. І гэта досвед талерантнасці і адкрытасці, немагчымы пакуль што для Беларусі.

Фота: Марат Бушэнка, Ціна Палынская

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
26.09.2018 У свеце, Фотарэпартаж| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты