Аляксандру Гановерскую выкраслілі са спадчыннікаў Брытанскага трону за пераход у каталіцтва

princessalessandra

Нямецкую прынцэсу Аляксандру Гановерскую выдалілі з лініі спадчыннікаў брытанскага прастолу за пераход у каталіцтва. Пра гэта паведамляе Royal Central са спасылкай на Point de Vue-magazine.

19-гадовая Аляксандра з’яўляецца дачкой прынца Эрнста Аўгуста Гановерскага і прынцэсы Караліны Манакскай. З боку маці яна з’яўляецца пляменніцай князя Манака Альберта ІІ і ўнучкай амерыканскай акторкі Грэйс Келі, з боку бацькі яна з’яўляецца нашчадак брытанскай каралевы Вікторыі і нямецкага кайзера Вільгельма ІІ.

Дзяўчына нарадзілася ў 1999 годзе ў Аўстрыі і была ахрышчаная ў лютэранскай царкве. Пры гэтым яе маці, прынцэса Караліна, заўсёды была каталічкай. Зараз веру маці прыняла і яе дачка, за што была выкрасленая з лініі спадчыннікаў брытанскага прастолу, бо паводле закону непратэстанты не могуць быць брытанскімі манархамі. Тым не менш, яна застаецца 12-й у спісе спадчыннікаў на трон Манака.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
01.10.2018 У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты