“Беларусь і Біблія”: дзеці цікавяцца Бібліямі з усяго свету

SAM_3906

На выставе «Беларусь і Біблія» праходзяць заняткі Клуба кніжных прафесараў. Місіс Дэніс Кэрал дэманструе дзецям старажытныя скруткі пергаменту, распавядае пра іх гісторыю і дэманструе гусіныя пер’і, якімі пісалі перапісчыкі.

Місіс Дэніс добра ведае, як кантактаваць з дзецьмі, бо ў іх з доктарам Скотам Кэралам – чацвёра дзяцей: два сыны Бенджамен і Кэмрын, дзве дачкі Джой і Эн і чацвёра ўнукаў. Іх сям’я прыналежыць да неасацыяванай пратэстанцкай царквы Bridge Bible Church. “У нашым горадзе шмат моцных хрысціянскіх сем’яў”, – кажа місіс Дэніс.

Дэніс і Скот Кэралы жывуць у маляўнічым штаце Мічыган у горадзе Гранд Хэйвен, паблізу ад вялікага возеры Мічыган. Ландшафт іх мясцовасці разнастайны халмамі, пясчанымі дзюнамі. Сужанцы разам ужо сорак гадоў. Місіс Дэніс суправаджае свайго мужа ў падарожжах па свеце. Доктар Кэрал праводзіць семінары і чытае лекцыі ва ўніверсітэце ў Нігерыі і місіс Дэніс адпраўляецца ў далёкую афрыканскую краіну разам з ім.

SAM_4021

Кожны дзень выстаўку наведваюць вучні нядзельных і агульнаадукацыйных школ з настаўнікамі. Выкладчык прыватнай пачатковай школы Зміцер Хведарук разам з маладымі настаўніцамі запрасіў на выставу вучняў 1- 4 класаў. Дзеці з цікавасцю слухаюць аповеды экскурсаводаў, з задавальненнем майструюць з паперы каўчэг, расфарбоўваюць тэматычныя формы, складаюць пазлы з біблейскімі сюжэтамі, фатаграфуюцца ў зоне для гульняў. Валанцёры займаюць маленькіх дзетак забаўкамі ды гульнямі.

Э. Дзвінская, фота аўтара

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
06.10.2018 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты