Другі Ружанцовы кангрэс у Магілёве сабраў больш за 300 удзельнікаў

Конгресс
У Магілёве ў катэдры Унебаўзяцця Найсвяцейшай Панны Марыі і святога Станіслава 6 кастрычніка каталікі зладзілі Другі Ружанцовы кангрэс.

Мэта кангрэса, запачаткаванага манахамі дамініканамі, – духоўная і інтэлектуальная фармацыя асобаў, якія моляцца на ружанцы, паведамляе catholicnews.by.

Удзел у Кангрэсе ўзялі біскуп Віцебскі Алег Буткевіч, дапаможны біскуп Мінска-Магілёўскай архідыяцэзіі Аляксандр Яшэўскі SDB, а таксама 321 удзельнік з Бабруйска, Баранавічаў, Браслава, Варшавы, Віцебска, Глыбокага, Глуска, Жодзіна, Маладзечна, Мар’інай Горкі, Мядзела, Нясвіжа, Паставаў, Полацка, Санкт-Пецярбурга.

З дакладам «Жыццё святога Тамаша Аквінскага, доктара Касцёла» выступіў айцец Віталій Сапега OP, а. Міхал Ермашкевіч ОР выступіў з дакладам «Каментарый святога Тамаша Аквінскага да малітваў “Ойча наш”, “Вітай Марыя” і Credo», з прэзентацыяй кнігі  “Святы Тамаш прачытаны нанова” – яе аўтар Алесь Жлутка, з дакладам “Святы Тамаш — вучань і настаўнік. Любоў да Святога Пісання” – а. Марыян Ханусэк OP.

Кульмінацыйную Святую імшы ўзначаліў біскуп Віцебскі Алег Буткевіч.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com




Блогі