У Полацку знайшлі пахаванне бацькі Еўфрасінні Полацкай?

раскопки
У Полацку падчас чарговага сезону археалагічных раскопкаў, якія ладзяцца пры ўдзеле выкладчыкаў і студэнтаў Полацкага дзяржаўнага ўніверсітэта, – новая знаходка.

Даследуючы Спаса-Праабражэнскую царкву і прылеглую да яе тэрыторыю, археолагі знайшлі падземны храм-пахавальню, аналагаў якому на ўсходнеславянскай прасторы няма, паведамляе psu.by.

На думку Яўгена Торшына, загадчыка сектара архітэктурнай археалогіі Дзяржаўнага Эрмітажа, спецыялісты якога ўдзельнічаюць у архітэктурна-археалагічных даследаваннях галерэяў храма Спаса-Перамянення, у пахавальным храме, з вялікай верагоднасцю, спачывае бацька праваслаўнай святой Еўфрасінні Полацкай — Георгій Усяславіч.

раскопки
«Падземны храм невялікага памеру з’яўляецца ніжнім ярусам пабудовы, якая стаяла асобна непасрэдна каля сценаў Спаскага сабора. Пабудаваная яна была адначасова з галерэяй з той ж цэглы (плінфы), што і сцены самога храма і сцены галерэі, прыбудаваныя да цэнтральнага аб’ёму будынка. Нашы раскопкі палягалі ў тым, што мы расчышчалі гэта падзямелле ад будаўнічага смецця. У ім быў выяўлены шэраг важных знаходак. Самай цікавай з іх можна назваць фрагменты каменнага абразка, на якіх захавалася выява намаляванага там святога Георгія. Такім чынам, мы маем нейкае збудаванне, прызначанае для пахавання адной асобы каля храма. Мабыць, гэты чалавек быў вельмі важны для заснавальніцы манастыра прападобнай Еўфрасінні. Можна таксама меркаваць, што гэты абразок знаходзіўся дзесьці на алтары гэтага храма. Падмурак гэтага пасаду, пабудаванага з цэглы, мы таксама знайшлі. Магчыма, што гэты алтар быў прысвечаны святому Георгію. Калі гэта так, то, верагодна, і пахаваны таксама меў гэтае імя. Тады, прымаючы пад увагу значэнне гэтага чалавека, хутчэй за ўсё, мы знайшлі месца пахавання полацкага князя – Георгія Усяславіча, бацькі Еўфрасінні Полацкай», – распавядае даследчык.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
10.10.2018 Беларусь| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты