Патрыярх Кірыл на асвячэнні Храма-помніка ў Мінску: Раптам паўстаў вораг і мірны дух знік (фотарэпартаж)

Патрыярх Маскоўскі і ўсяе Русі Кірыл у Мінску раніцай 14 кастрычніка асвяціў храм-помніка ў гонар Усіх Святых.

Патрыярх Кірыл узначаліў першую Літургію ў новым храме.

Пропаведзь кіраўнік РПЦ, пабудаваную на аналізе слоў з Пісання «Любіце ворагаў вашых», прысвяціў мастацтву мірнага вырашэння канфліктаў у сітуацыі, калі жаданне перамогі  «акупіруе нашы думкі і пачуцці»: «Сам факт, што мы ў кімсці пазнаем ворага, пазбаўляе нас ўнутранага спакою і ладу, а, значыць, мы ўжо пераможаны ворагам».

Прамую трансляцыю пропаведзі можна ўбачыць тут.

У богаслужбе ўзялі ўдзел мітрапаліт Мінскі і Заслаўскі Павал, Патрыяршы Экзарх усяе Беларусі і члены Сінода РПЦ, які пачнецца ў Мінску 15 кастрычніка.

Храм-помнік размешчаны на ўсходзе беларускай сталіцы. Яго будаўніцтва доўжылася чвэрць стагоддзя. Закладной камень храма-помніка асвяціў патрыярх Маскоўскі і ўсяе Русі Аляксій II падчас свайго першага першасвятарскага візіта ў Беларусь у 1991 годзе.

У крыпце храма пахаваныя астанкі невядомых салдат трох войнаў – вайны 1812 года, Першай і Другой сусветных войнаў.

Раней Патрыярх Маскоўскі здзейсніў ютрань Ночнага чування ў Свята-Духавым кафедральным саборы.

На чале РПЦ саслужылі мітрапаліт Кішынёўскі і ўсяе Малдовы Уладзімір, мітрапаліт Санкт-Пецярбургскі і Ладажскі Варсанофій, мітрапаліт Мінскі і Заслаўскі Павал, мітрапаліт Валакаламскі Іларыён, мітрапаліт Барнаульскі і Алтайскі Сергій, архіепіскап Віцебскі і Аршанскі Дзімітрый, архіепіскап Пінскі і Лунінецкі Стэфан, архіепіскап Гродзенскі і Ваўкавыскі Арцемій, архіепіскап Навагрудскі і Слонімскі Гурый, архіепіскап Полацкі і Глыбоцкі Феадосій, архіепіскап Магілёўскі і Мсціслаўскі Сафроній, архіепіскап Брэсцкі і Кобрынскі Іаан, архіепіскап Гомельскі і Жлобінскі Стэфан, архіепіскап Сонечнагорскі Сергій, епіскап Бабруйскі і Быхаўскі Серафім, епіскап Тураўскі і Мазырскі Леанід, епіскап Нарўскі і Прычудскі Лазар, епіскап Барысаўскі і Мар’інагорскі Веніямін, епіскап біскуп Маладзечанскі і Стаўбцоўскі Павел, епіскап Слуцкі і Салігорскі Антоній, епіскап Лідскі і Смаргонскі Парфірый.

Па заканчэнні богаслужбы мітрапаліт Мінскі і Заслаўскі Павал ўручыў госцю абраз блажэннай Валянціны Мінскай.

Фота: Кацярына Адамчык

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
14.10.2018 Грамадства, Фотарэпартаж| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты