РПЦ прыпыніла ўдзел у працы Камісіі па дыялогу з Каталіцкай Царквой

Папа
У Ватыкане 19 кастрычніка адбылася сустрэча кіраўніка Аддзела знешніх царкоўных сувязяў Маскоўскага Патрыярхата мітрапаліта Валакаламскага Іларыёна (Алфеева) з Папам рымскім Францішкам.

Папа Францішак цёпла прывітаў расійскага іерарха, які ў якасці назіральніка ад Рускай Праваслаўнай Царквы ўзяў удзел у пленарнай сесіі XV Генеральнай асамблеі Сіноду Біскупаў і выступіў перад яе ўдзельнікамі з прамовай, паведамляе patriarchia.ru.

Падчас сустрэчы былі абмеркаваныя актуальныя пытанні адносінаў паміж Маскоўскім Патрыярхатам і Каталіцкім Касцёлам. Асаблівая ўвага была звернутая на царкоўную сітуацыю ва Украіне. Расійскі іерарх пазнаёміў Святога Айца з рашэннямі, прынятымі Сінодам РПЦ 15 кастрычніка ў сталіцы Беларусі.

Мітрапаліт Іларыён адзначыў, што ў сувязі з дзеяннямі Канстанцінопальскага Патрыярхата Руская Праваслаўная Царква «вымушаная прыпыніць удзел у працы Змяшанай міжнароднай камісіі па тэалагічным дыялогу паміж Каталіцкай і Праваслаўнай Царквамі.

Тым не менш, як падкрэсліў расійскі іерарх, двухбаковыя адносіны паміж Маскоўскім Патрыярхатам і Каталіцкай Царквой будуць развівацца і далей.

У Ватыкане прадбачылі магчымасць такога кроку з боку Рускай Праваслаўнай Царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.10.2018 У свеце| Тэгі: , , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты