Пад Віцебскам ушанавалі ахвяр камуністычных рэпрэсій (фотарэпартаж)

Пад Віцебскам у месцах, дзе, на думку прадстаўнікоў мясцовай грамадскасці, пахаваныя ахвяры сталінскіх рэпрэсій, 3 лістапада была ўшанаваная памяць забітых, паведамляе BCHD.INFO.

Парэшткі 172 чалавек, знойдзеных у 2014 годзе каля вёскі Хайсы, былі пахаваныя ўладамі як парэшткі людзей, забітых нямецка-фашысцкімі захопнікамі, у брацкай магіле на станцыі Лосвіда. Тым не менш, віцебскія актывісты, якія нязгодныя з афіцыйнай версіяй, паставілі крыж з адмысловым надпісам «Ахвярам сталінскага рэжыму», як і на Мазалаўскіх могілках, дзе пахаваныя парэшткі 302 чалавек.

Ля кожнай магілы ксёндз Вячаслаў Барок адслужыў памінальную службу і асвяціў крыжы. Прагучалі на жалобным мітынгу вершы мясцовай жыхаркі, прысвечаныя таму жудаснаму часу, верш Анатоля Сыса «Адпусціце мяне, Курапаты».

У сваёй прамове ксёндз Вячаслаў зазначыў, што паміж фашыстамі і камуністамі трэба ставіць знак роўнасці. Для іх чалавечае жыццё не варта анічога, пад чырвонай зоркай — знакам д’ябла — палягло людзей больш, чым забілі іх чужынцы. Крыж — знак жыцця і праўды, таму ён павінен стаяць помнікам нявінны забітым, каб не паўтарылася гісторыя.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
04.11.2018 Грамадства, Фотарэпартаж| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты