У Беларусі затрыманы эпатажны старакаталіцкі святар

bondar3-i7szb

Жыхар Навагрудку Дзмітрый Бондар, які пазіцыянаваў сябе ў якасці то старакаталіцкага святара, то біскупа свету і быў вядомы сваімі эпатажнымі паводзінамі, быў затрыманы ў сярэдзіне кастрычніка. Па інфармацыі Навагрудскага райаддзелу Следчага камітэту, справа знаходзіцца ў вытворчасці Гродзенскага абласнога УСК.

Паводле інфармацыі крыніц “Нашай Нівы”, затрыманы альбо заразіў кагосьці СНІДам, альбо звар’яцеў, альбо быў звязаны з наркотыкамі. Калі гаворка ідзе пра заражэнне СНІДам, то абвінавачанаму можа пагражаць да сямі гадоў зняволення.

Старакаталіцкая Царква аддзялілася ад Каталіцкага Касцёлу ў 1870-х гадах. Суполка ў Беларусі ўтварылася ў 2005 годзе. Ад 2013 года парафія ўваходзіць у юрысдыкцыю адной з галін Старакаталіцкай Царквы Польшчы.

Як паведамляла Krynica.info, Курыя каталіцкай Гродзенскай дыяцэзіі выступіла 23 лютага з заявай адносна рэзананснага інтэрв’ю святара Старакаталіцкай Царквы Дзмітрыя Бондара, які агучваў погляды і прыхільнасці, якія разыходзяцца з традыцыйнымі хрысціянскімі ўяўленнямі, у тым ліку, аб маральным абліччы святара. У яго абарону тады выступіў некананічны беларускі праваслаўны дыякан Валянцін Цішко.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
05.11.2018 Здарэнні| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты