У Глыбокім маліліся за ахвяр камуністычнага і фашысцкага рэжымаў

maleben_za_ahvjar_9

Каля ста каталіцкіх вернікаў Глыбокага маліліся за ахвяр камуністычнага і фашысцкага рэжымаў. Яны сабраліся ва ўрочышчы Барок каля мемарыяльнага комплексу ў памяць расстраляных падчас Другой сусветнай вайны.

Там і побач з гэтым месцам падчас вайны і на яе пачатку адбываліся масавыя расстрэлы людзей. Агулам было забіта каля 30 тыс. чалавек.

Паводле пробашча парафіі Святой Тройцы ў Глыбокім Мікалая Ціхановіча, для хрысціянаў 7 лістапада – гэта не свята, а дзень успамінаў пра жахлівыя падзеі тых часоў:

– Ніхто публічна не перапрашаў за грахі гэтага рэжыму ў нашай краіне. Ніхто не пакаяўся за забойствы людзей, за вываз людзей, за рэпрэсіі. Хто гэта будзе чыніць, калі не Касцёл, калі не Царква. Я лічу, гэта наш святы абавязак – перапрашаць Бога.

Да пачатку Другой сусветнай вайны на месцы Глыбоцкай турмы два гады дзейнічала турма НКВД. Сюды сагналі амаль усю мясцовую інтэлігенцыю і палякаў. Перад прыходам немцаў, па звестках старажылаў, каля тысячы расстралялі на месцы. Да 1,5 тыс. вязняў забілі пад Улай.

Беларускае Радыё Рацыя

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар МТС: +37529 566 45 53. Па магчымых пытаннях звяртайцеся на krynica.editor@gmail.com
08.11.2018 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты