У Нарвегіі могуць абмежаваць магчымасць абортаў

partildelsen-2017

У Нарвегіі могуць абмежаваць аборты. Абмеркаванне гэтага пытання стала магчымым пасля таго, як Хрысціянскія дэмакраты заявілі пра магчымасць супольных дзеянняў з апазіцыйнай Рабочай партыяй. У адказ лідар кіруючай Кансерватыўнай партыі, прэм’ер-міністр Эрна Сольберг прапанавала хадэкам абмеркаваць магчымасць абмежавання абортаў.

Такі аргумент дапамог пераканаць сябраў Хрысціянска-дэмакратычнай партыі, якія стаяць на сацыяльна-кансерватыўных пазіцыях і належаць пераважна да Лютэранскай царквы, прагаласаваць за перамовы з кіруючай кааліцыі, што дапаможа Сольберг займець большасць у парламенце да наступных выбараў у 2021 годзе, перадае Reuters.

Хрысціянскія дэмакраты выступаюць за абмежаванні на аборты, у прыватнасці, хочуць забараніць перарываць цяжарнасці пасля 12 тыдні за выключэннем выпадкаў, калі гаворка ідзе пра прыроджаныя заганы або пагрозу жыцця. Таксама партыя хоча ўскладніць альбо ўвогуле спыніць селектыўныя аборты ў выпадку шматплоднай цяжарнасці.

“Абіраць на падставе пэўных здольнасцяў – гэта дыскрымінацыя. … Дзеці з сіндромам Даўна павінны мець такія ж правы, як і іншыя дзеці”, — заявіў намеснік старшыні Хрысціянскіх дэмакратаў Ш’ель Інгральф Ропстад.

Магчымасць абмежавання абортаў выклікала шматлікія пратэсты ў Нарвегіі. Паводле сацыёлагаў, супраць абмежавання выступае 68% жыхароў краіны, за іх – толькі 16%.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі