У мінскай парафіі прайшоў сямейны Баль усіх святых

SAM_4625

Каталіцкія святары актыўна працуюць з дзецьмі, моладдзю і іх бацькамі. Плёнам такой працы стаў Баль усіх святых, арганізаваны каталіцкай парафіяй св. Яна Евангеліста і Максіміліяна Кольбэ па вул. Матусевіча,80 у Мінску. Імпрэза праходзіла 18 лістапада ў дольнай залі Чырвонага касцёла.

– Мы ладзім такое свята ў трэці раз,- распавёў ксёндз Уладзімір Марушэўскі з Таварыства Хрыста. – Сёлета яно мае сямейны характар. Кожны з нашых дзяцей і іх бацькоў мог выбраць святога, якога ён любіць, прачытаць пра яго жыццё і стварыць касцюм, адпаведны часу жыцця свайго святога. Таксама мы прапанавалі дзецям  паўдзельнічаць у конкурсе малюнкаў, пераможцы якога атрымаюць прызы.

SAM_4592

Дзяўчаты ўпадабалі вобразы святой Алены, святой Тэрэзы ад Дзіцятка Езуса, святой Агнешкі, Кацярыны Сіенскай, Брыгіты і іншых, хлопчыкі – св. Марка, Андрэя. Прадстаўнікі бацькоў, напрыклад, Павел і Людміла, выбралі вобразы святога Францішка Асізскага і святой Перпетуі.

– Сёстры-назарэцянкі, якія другі год працуюць у нашай парафіі і дапамагаюць нам у душпастырстве, – распавёў ксёндз Алег Шпець, – прапанавалі ідэю паставіць невялічкі спектакль пра бласлаўлёных мучаніц Беларусі, сясцёр-назарэцянак з Наваградка.

SAM_4607

Сэнс Балю ўсіх святых у тым, што кожнае дзіця можа знайсці сябе святога, пазнаёміцца з ім, зацікавіцца яго жыццём, зрабіць яго ўбранне і даведацца, як наследваць яго прыклад, бо сэнс не толькі ў забаве, а ў тым, каб паказаць, што святыя былі звычайнымі людзьмі, жылі і працавалі, прысвячалі свае жыццё Богу, захоўваючы Божыя наказы. Як толькі школьны год распачаўся, мы  прапанавалі сем’ям паўдзельнічаць у гэтым мерапрыемстве, каб не толькі дзецям паказаць прыклад святых, але і іх бацькам.

SAM_4609

Наша  ідэя – паказаць, што святасць гэта не смутак і не толькі стаянне ў касцёле на каленях, а тое, чым мы жывем у паўсядзённым жыцці, што можа быць і вясёлым! Гэта радасць, якую мы перажываем разам! Тады яна не будзе пужаць людзей, а будзе прыцягваць!

Мерапрыемства завершылася салодкім сталом з гарбатай і пірагамі, і агульным фотаздымкам на памяць.

Э. Дзвінская, фота аўтара

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
20.11.2018 Без рубрики, Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты