Для Вольгі праца праграмістам – сапраўднае хобі

Вольга Агафонава — праграміст. Цяпер яна жыве і працуе ў Віцебску. Шмат часу надае самаадукацыі, каб расці па кар’ернай лесвіцы. Сваю працу лічыць цікавай, творчай і карыснай, бо розныя праграмы палягчаюць жыццё іншых людзей. Гэтая прафесія дазваляе працаваць аддалена і жыць у любым пункце свету. Вольга пакуль яшчэ не ведае, у якой краіне хацелася б ёй жыць.

Маё імя – Агафонава Вольга, мне 23 гады, я з Наваполацка, але ў дадзены момант я жыву ў Віцебску. Працую я праграмістам у кампаніі «ЭПАМ Сістэмз». Гэта, на дадзены момант, найбуйнейшая фірма ў Беларусі.

У нашай краіне быць маладой дзяўчынай 23-х гадоў даволі складана. Складана знайсці працу, бо цяпер працадаўцы патрабуюць вопыт. І знайсці першае месца працы вельмі добрае, якое будзе табе падабацца, — гэта як выйграць у латарэю. На шчасце, я выйграла, я так думаю.

Чым мне падабаецца мая праца праграмістам? Тым, што кожны дзень я сутыкаюся з новымі задачамі, ствараю нешта новае, і людзі гэтым карыстаюцца.

Я хацела б вывучыць, як распрацоўваць мабільныя прыкладанні. І чаму б не адкрыць новы аддзел і, напрыклад, кіраваць ім?

Люблю займацца спортам. І, на шчасце, кампанія прадастаўляе вельмі прыемныя бонусы: мы можам наведваць трэнажорную залу ў тым жа будынку, дзе знаходзіцца праца. Гэта вельмі зручна, што ты папрацаваў, спусціўся, пазаймаўся і пайшоў дадому.

На маё ўспрыманне свету, я сказала б, у асноўным, паўплывала мая мама, бо яна мяне выхоўвала. І яна заўсёды паважала мой выбар. І яна кажа: «Калі ты шчаслівая – я шчаслівая».

Дзякуючы маёй прафесіі я магу сёння жыць у Беларусі, а заўтра паехаць у тую ж самую Чэхію, у Прагу, і працаваць там. Пакуль што я не ведаю, у якой краіне я хачу жыць.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
07.12.2018 Без рубрики| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты