З Іспаніі ў Польшчу: сталіцай 42-й сустрэчы Тэзэ стаў Вроцлаў

Каля 300 пілігрымаў з Беларусі бяруць удзел у 41-м Еўрапескім спатканні моладзі Тэзэ, якое з 28 снежня да 1 студзеня праходзіць у Мадрыдзе. Усяго ж на 41-ю Еўрапейскую сустрэчу моладзі Тэзэ прыехала  больш за 15 тыс. удзельнікаў з Еўропы, а таксама госці з іншых кантынентаў.

Тэмай сустрэчы ў гэтым годзе стала ”Не забываймася на гасціннасць”.  “Досвед гасціннасці ангажуе не толькі хрысціянаў з розных Цэркваў, але таксама вернікаў іншых рэлігій і нават няверуючых. Сярод цяперашніх цяжкасцяў, калі, здаецца, недавер набіре моц, ці зможам мець адвагу жыць гасціннасцю, тым самым даючы ўзрастаць даверу ў нас?” – піша прыёр супольнасці Тэзэ брат Алоіс ва ўступным слове да пілігрымаў.

Як адзначыў брат Алоіс, мы  усе патрабуем  досведу гасціннасці: і паўднёвая Еўропа, дзе шмат уцекачоў шукаюць паратунку ад вайны і небяспекі, але таксама ўсход Еўропы, дзе сваіх месцаў шукаюць тысячы працоўных мігрантаў з Украіны ды іншых краін. Шукаць шляхі паразумення з іншым, адрозным ад цябе чалавекам – такі заклік-прапанова Тэзэ на новы 2019 год.

Свае вітанні пілігрымам прыслаў Папа Францішак, кіраўнікі іншых цэркваў.

На вечаровай малітве 30 снежня па традыцыі прыёр супольнасці Тэзэ брат Алоіс абвясціў месцы наступных этапаў пілігрымкі даверу: у сакавіку 2019 года адбудзецца чарговая сустрэча на Блізкім усходзе ў Ліване, пазней – у верасні – афрыканскі этап пілігрымкі, у Паўднёвай Афрыцы, Кейптаўне. І ў канцы года – 42-я Еўрапейская сустрэча ў польскім Вроцлаве.

Абвяшчаючы чарговае месца сустрэчы, брат Алоіс зазначыў, што Вроцлаў, які знаходзіцца на скрыжаванні шляхоў, культур, традыцый, – асаблівае месца для супольнасці, а таксама стане прасцейшым для даезду для пілігрымаў з усіх краінаў. Апошнія сустрэчы адбываліся на краях Еўропы , і для некаторых удзельнікаў шлях быў вельмі далёкім.

Гэта трэцяя сустрэча Тэзэ ў Вроцлаве (пасля сустрэч у 1989 і 1995 годзе) і пятая, якая пройдзе ў Польшчы (пасля Варшавы 1999 і  Познані 2009).

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
31.12.2018 У свеце| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты