Віцебскія вернікі збіраюць подпісы пад патрабаваннем вярнуць высланага з Беларусі ксяндза

Кнурек
Вернікі каталіцкай парафіі Езуса Міласэрнага ў Віцебску звярнуліся да Упаўнаважанага па справах рэлігіяў і нацыянальнасцяў Леаніда Гулякі з петыцыяй, у якой выказваюць “засмучэнне тым фактам, што пробашчу кс. Паўлу Кнурэку не працягнулі дазвол на служэнне ў Беларусі Да якой ступені засмучаныя – перадаць словамі вельмі цяжка. Бо кс. Павел Кнурэк – наш духоўны айцец, а што адчуваюць дзеці, калі іх разлучаюць з бацькамі – вядома кожнаму. Роспач, разгубленасць і бездапаможнасць. Мяркуем, што рашэнне аб непрацягненні дазволу на працу ў нашай краіне, прынятае ў дачыненні да нашага пастыра а. Паўла Кнурэка, занадта жорсткае i ў адносінах да нас, простых вернікаў і грамадзянаў Беларусі”, – гаворыцца ў петыцыі.

“Мы, парафіяне, зусім не ўспрымаем свайго духоўнага айца Паўла Кнурэка як чужаземца. Ксёндз Павел адпраўляў набажэнствы, прамаўляў казанні і размаўляў з людзьмі на добрай беларускай мове. Выдатна ведаў пра нашы праблемы. Жыў нашымі клопатамі. Кожнага абдараў святлом сваёй веры і рабіў усё магчымае, каб не толькі ў парафіі, але ў цэлым у горадзе і краіне панавала атмасфера згоды і любові. Беларусь для яго стала сваёй краінай і, без перабольшвання, другой радзімай”, – пераконваюць вернікі.

Таксама вернікі просяць агучыць прычыны, па якіх кс. Паўлу Кнурэку было адмоўлена ў служэнні на тэрыторыі Беларусі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
22.01.2019 Грамадства| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты