Новы ўладальнік касцёла ў Гродне не ўпэўнены, што зробіць са склада храм

Гродно
У Гродне знайшлі новага гаспадара капліцы-складу ў Панямуні, прададзенай на аўкцыёне. Больш за год спатрэбілася, каб знайсці новых уласнікаў для маёмасці ААТ «Гроднапрамтэхніка», у тым ліку, пераробленага пад склад неагатычнага касцёлу.

Будынак быў прададзены на адкрытых таргах 12 сакавіка. Былая маёмасць ААТ «Гроднапрамтэхніка» раскінулася на плошчы больш чым 4 га і ўключае ў сябе 16 розных пабудоваў: адміністрацыйныя будынкі, дыспетчарскую-прахадную, склады, арачны гараж і іншыя будынкі, а таксама склад-касцёл, паведамляе hrodna.life.

Гутарка ідзе пра капліцу, пабудаваную ў неагатычным стылі ў 70-я гады XIX стагоддзя. Пабудова знаходзіцца ў спісе гісторыка-культурных каштоўнасцяў. У савецкі час з яе знялі крыж, а па баках прыбудавалі гараж і гаспадарчыя пабудовы. Будынак выкарыстоўваўся як склад, а ў дадзены момант закрыты для наведвальнікаў.

На першых таргах комплекс будынкаў прапаноўваўся амаль за 4 мільёны рублёў, але ў ходзе наступных аўкцыёнаў, на якія, як правіла, ніхто не рэгістраваўся, пачатковая цана знізілася да 738 тысяч рублёў.

Новым уладальнікам нерухомасці ў Панямуні стаў прыватны прадпрымальнік Андрэй Буяноўскі.

“Наперадзе досыць шмат папярэдняй працы, у тым ліку трэба прывесці будынкі ў парадак, ацаніць ступень зносу памяшканняў. Што там будзе ў будучыні, пакуль незразумела. Але будзем адштурхоўвацца ад таго, што цяпер там функцыянуе вытворчая база”, – кажа прадрымальнік.

На пытанне, ці збіраецца ён аднаўляць былы храм, прадпрымальнік адказаў, што гэтым ён яшчэ не думаў, але дадае, што не выключана, што неўзабаве і сам там будзе маліцца.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
14.03.2019 Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты