Тысячы чалавек прыйшлі на Дзень Волі ў Мінску (фотарэпартаж)

Тысячы чалавек 24 сакавіка прынялі ўдзел у мітынгу-канцэрце з нагоды 101-й гадавіны абвяшчэння Беларускай Народнай Рэспублікі (Дзень Волі). Акцыя прайшла ў Кіеўскім скверы ў Мінску, яе арганізатарамі былі Беларуская сацыял-дэмакратычная партыя (Грамада), Беларуская хрысціянская дэмакратыя, Рух «За Свабоду» і Аб’яднаная грамадзянская партыя.

На канцэрце выступілі гурты «Няхай», КаS, «Водар», «Дай дарогу!», «Р.С.П.» і N.R.M. Таксама збіраліся подпісы за выхад Беларусі з Саюзнай дзяржавы з Расіяй і АДКБ, за закон аб першых дзяржаўных сімвалах і ў падтрымку больш шырокага выкарыстання беларускай мовы.

Пасля выступу быў затрыманы апазіцыйны актывіст Зміцер Дашкевіч, а таксама сустаршыня БХД Віталь Рымашэўскі. Апошняга неўзабаве адпусцілі. Дашкевіча, верагодна, будуць судзіць 25 сакавіка ў судзе Цэнтральнага раёна Мінска.

Фота Надзеі Гацак

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі