У Мінску адкрылася выстава праектаў храмаў

выставка
У Мінску ў касцёле Маці Божай Будслаўскай на Каменнай Горцы 28 сакавіка адкрылася выстава аўтарскіх архітэктурных праектаў культавых збудаванняў Аляксандра Базевіча.

Месца для выставы было выбрана невыпадкова. Майстэрня Аляксандра Базевіча курыравала будаўніцтва першай каталіцкай святыні, збудаванай у Мінску за апошнія 100 гадоў, паведамляе catholic.by.

З архітэктурнымі ідэямі Аляксандра Базевіча добра знаёмыя ў Беларусі і за яе межамі. Ужо 30 гадоў майстар паспяхова ўвасабляе ў жыццё свае задумы.

Сярод яго працаў – 10 праектаў каталіцкіх сакральных пабудоваў і 2 праваслаўных.

Скончыўшы ў 1990 г. архітэктурны факультэт Беларускай дзяржаўнай політэхнічнай акадэміі, Аляксандр Базевіч стаў актыўным удзельнікам праектаў аднаўлення гістарычнай спадчыны Беларусі, захаванне аблічча якой немагчымае без рэканструкцыі культавых збудаванняў. Ён не раз атрымліваў дыпломы і ўзнагароды на конкурсах рэспубліканскага ўзроўню.

Першай працай Аляксандра Базевіча у галіне сакральнай архітэктуры стаў праект хрысціянскага адукацыйнага цэнтра імя святога Яна Боско пры касцёле святога  Міхала Арханёла ў Смаргоні, пабудаванага ў 2001 годзе.

Госць мерапрыемства – галоўны рэдактар часопіса «Архітэктура і будаўніцтва» Валянціна Марціновіч – адзначыла, што сакрэт поспехаў створцы крыецца ў велізарнай працаздольнасці, трывалай цікавасці да творчага працэсу і да жыцця.

Доктар архітэктуры прафесар Сяргей Сергачоў адзначыў, што культавыя збудаванні заўсёды былі прыкметнай часткай архітэктурнага асяродку.

«Мне як святару асабліва прыемна ўсведамляць, што праекты Аляксандра Базевіча сталі не проста працай высокакваліфікаванага спецыяліста”, — сказаў на завяршэнне адкрыцця выставы пробашч парафіі кс. Францішак Рудзь.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
30.03.2019 Грамадства| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты