Мікалай Статкевіч ініцыяваў малітоўны пратэст у абарону Курапатаў

акция
Старшыня “Народнай Грамады” Мікола Статкевіч ініцыяваў акцыю ў абарону народнага мэмарыялу ў мінскім ўрочышчы Курапаты.

Акцыя пачнецца апоўдні 7 красавіка.

“Па замове кіраўніка кіруючага рэжыму вакол народнага мэмарыялу ў Курапатах ламаюць і зносяць хрысціянскія крыжы. Такое злачынства накіраванае не толькі супраць памяці дзесяткаў тысячаў ахвяраў сталінскіх рэпрэсіяў. Апаганьванне галоўнага сімвала хрысціянства напярэдадні Вялікадня – гэта замах на самую веру нашага народа. Мы ўжо многае стрывалі ад самазванца. Незаконныя арышты, выкраданні і забойствы яго апанентаў. Усхваленне Гітлера, які знішчыў траціну нашага народа. Ператварэнне выбараў у фарс. Скрадзеныя ў народа мільярды на замежных рахунках. Бяздарнуюэканамічную палітыку, якая прывяла да жабрацтва мільёнаў працаўнікоў. Паборы з беспрацоўных і атручванне зямлі небяспечнымі кітайскімі вытворчасцямі. Не сустракаючы адпору, самазванец ідзе ўсё далей. Цяпер падчас Вялікага посту ён дэманстратыўна плюе на веру нашага народа. Заклікаю тых, хто не хоча больш цярпець, сабрацца ў нядзелю 7 красавіка ў 12.00 на пл. Свабоды ля мінскага Свята-Духава кафедральнага сабора. Разам памолімся аб збаўленні нашай краіны ад злога і пакажам, што нашае цярпенне ўжо на зыходзе. Абаронім веру сваіх продкаў. Абаронім сябе. Абаронім Беларусь”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
05.04.2019 Абвесткі, Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты