У Буркіна-Фасо падчас нападу на хрысціянскую грамаду быў забіты святар

У Буркіна-Фасо падчас нападу на хрысціянскую грамаду быў забіты святар і 5 вернікаў. Баевікі адкрылі агонь па мясцовай царкве ў паўночным горадзе Дабло, калі людзі збіраліся на малітву.

«Узброеныя людзі ўварваліся ў каталіцкую царкву… Яны пачалі страляць, калі вернікі спрабавалі бегчы», — сказаў мэр горада Усманэ Зонга. «Яны забілі пяцярых з іх, а таксама святара, які вёў імшу».

Ваяўнічыя ісламскія групіроўка, звязаныя з ІДзІЛ і Аль-Каідай, вядуць усе больш жорсткую вайну супраць паслядоўнікаў Ісуса ў заходнеафрыканскай краіне — гэта трэці напад на царкву за апошнія пяць тыдняў.

У мінулым месяцы шэсць чалавек былі забіты ў царкве ў горадзе Сільгаджы.

Статыстыка гаворыць сама за сябе: у 2016 годзе было ўсяго 12 нападаў джыхадыстаў, у 2017 годзе іх было 33, а ў 2018 годзе — каля 158.

У адказ на царкоўныя забойствы Генеральны сакратар ААН Антоніу Гутэрыш выказаў спачуванні і пакляўся бараніць «святасць усіх месцаў малітвы».

Гутэрыш заклікаў рэлігійныя грамады ў Буркіна-Фасо «падтрымваць адзін аднаго і не паддавацца правакацыям, якія сеюць разлады і спараджаюць новы гвалт».

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
13.05.2019 Здарэнні, У свеце| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты