У Нацыянальную бібліятэку Вялікабрытаніі перадалі беларускі пераклад Новага Запавету

4 чэрвеня 2019 года ў Нацыянальнай бібліятэцы Вялікабрытаніі адбылася перадача ў фонд кнігасховішчаў беларускага перакладу Святога Пісання Новага Запавету, паведамляе сайт church.by.

У цырымоніі прымалі ўдзел клірык Пакроўскага кафедральнага сабора горада Гродна протаіерэй Уладзімір Пятручык, доктар, вядучы куратар Усходне-Еўрапейскай і Амерыканскай калекцыі Брытанскай бібліятэкі Кацярына Рагачоўская, кандыдат гістарычных навук, сакратар таварыства «Руская спадчына ў Злучаным Каралеўстве» Юлія Пляукшта.

Сёння Брытанская бібліятэка прызнаная адной з найбуйнейшых у свеце. У яе кнігасховішчы больш за 170 мільёнаў адзінак захоўвання: асобнікаў кніг, рукапісаў, геаграфічных карт, падшывак газет і часопісаў, розных гравюр і малюнкаў, марак, патэнтаў. З 1983 года бібліятэка з’яўляецца захавальнікам Нацыянальнага гукавога архіва, цяпер тут захоўваюцца гуказапісы і ноты, рукапісы музычных нотных запісаў, ад твораў Гендэля да «Бітлз».

Увечары гэтага ж дня протаіерэй Уладзімір Пятручык сустрэўся з Паслом Беларусі ў Вялікабрытаніі Сяргеем Фёдаравічам Алейнікам. Падчас сустрэчы амбасадару былі перададзеныя ў дар беларускі пераклад кніг Новага Запавету, а таксама друкаваныя выданні Гродзенскай дыяцэзіі і Пакроўскага кафедральнага сабора.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
10.06.2019 Грамадства| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты