Пратэсты ў Ганконгу: спеў “Алелюя Госпаду” стаў неафіцыйным гімнам

У Ганконгу больш за два мільёны чалавек выйшлі на вуліцы, каб пратэставаць супраць новага спрэчнага закона, які дазваляе экстрадыцыю асуджаных у КНР. Спеў «Алелюя Госпаду» стаў неафіцыйным гімнам гэтых пратэстаў, паведамляе BBC.

11 чэрвеня – за дзень да таго, як паліцыя ўжыла слезацечны газ і гумовы кулі – група хрысціянаў, якія праводзілі публічны малітоўны сход усю ноч, пачаткі спяваць «Алелюя Госпаду». Гімн падхапілі іншыя пратэстоўцы, і неўзабаве яго сталі спяваць нават няверуючыя.

«Людзі падхапілі гэту песню, таму што яна кароткая і лёгка запамінаецца», – сказаў BBC Эдвін Чоў, 19-гадовы выканаўца абавязкаў прэзідэнта Федэрацыі каталіцкіх студэнтаў Ганконга. «У песні толькі адзін радок: «Спявай Алелюя Госпаду».

Пратэстоўцы сказалі, што спявалі, бо спадзяваліся, што гэта зробіць уплыў на паліцыю і дапаможа зменшыць напружанасць. «Паводле закона, рэлігійныя сходы ў грамадскіх месцах не лічацца незаконнымі, таму, калі людзі спяваюць гімны разам, гэта можа фактычна служыць абаронай і гарантыяй таго, што яны будуць у бяспецы», – сказаў Эдвін Чоў.

Рэлігійны характар пратэстаў мае важнае значэнне. Ганконг з’яўляецца часткай Кітая з 1997 года па прынцыпе «адна краіна, дзве сістэмы», што азначае, што ён мае сваю незалежнасць, заканадаўчую і эканамічную сістэму. Але людзі асцерагаюцца, што, калі гэты законапраект пра экстрадыцыю пройдзе, ён наблізіць Ганконг пад кантроль Кітая. Яны асцерагаюцца, што гэта можа быць выкарыстана супраць тых, каго Кітай лічыць дысідэнтамі.

Тэарэтычна Кітай дапускае свабоду веравызнання, але ўжо неаднаразова распачыналіся дзеянні супраць рэлігійных лідараў, якіх улада лічыць пагрозай стабільнасці дзяржавы.

Хрысціяне змушаны далучацца да санкцыянаваных дзяржавай цэркваў на чале з зацверджанымі святарамі, у той час як некаторыя рызыкуюць жыццём за малітву ў таемных, падземных цэрквах. Некаторыя ў Ганконгу асцерагаюцца, што Кітай можа скарыстаць закон пра экстрадыцыю для нападкаў на рэлігійных і палітычных супернікаў.

На дадзены момант Ганконг прыпыніў законапраект, хоць многія ўсё яшчэ пратэстуюць, заявіўшы, што не супакояцца, пакуль ён не будзе цалкам ануляваны.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
25.06.2019 У свеце| Тэгі: , , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты