Грэка-каталіцкая пілігрымка Віцебск-Полацк не адбудзецца: ад вернікаў запатрабавалі 3000 рублёў на аплату спецслужбаў

Упершыню за 25 год не адбудзецца грэка-каталіцкая пілігрымка Віцебск-Полацк, якая мела праходзіць з 9 па 13 ліпеня пад дэвізам «Хрыстус жыве». Юбілейная пілігрымка не выйдзе, бо вернікі не могуць аплаціць паслугі спецыяльных службаў, паведамляе Catholic.by.

Па словах айца Яўгена Усошына, канцлера Курыі Апостальскага візітатара для грэка-католікаў Беларусі архімандрыта Сяргея Гаека, у адказ на скіраваную арганізатарамі ў Віцебскі аблвыканкам просьбу быў атрыманы дазвол на правядзенне пілігрымкі. Аднак адна з умоваў, высунутых уладамі, прадпісвала вернікам аплаціць паслугі спецыяльных службаў — міліцыі, медыкаў, супрацоўнікаў камунальнай гаспадаркі і гэтак далей, як гэта прадугледжана зацверджанымі нядаўна беларускім урадам новымі правіламі правядзення масавых мерапрыемстваў.

Паколькі супольнасць Грэка-Каталіцкай Царквы ў Беларусі не мае сродкаў на аплату паслугаў згаданых службаў, якія фінансуюцца за кошт падаткаў беларускіх грамадзянаў, пілігрымка з Віцебска ў Полацк 9 ліпеня не выйдзе.

Пастанова № 49 «Аб зацвярджэнні Палажэння аб парадку аплаты паслуг па ахове грамадскага парадку, якія аказваюць органы ўнутраных спраў, расходаў, звязаных з медыцынскім абслугоўваннем, прыбіраннем тэрыторыі пасля правядзення на ёй масавых мерапрыемстваў» была прынята 24 студзеня Саветам міністраў Рэспублікі Беларусь, але пасля абурэння грамадскасці і збору подпісаў за адмену вышэй згаданай пастановы міністрам унутраных спраў Ігарам Шуневічам быў дадзены адказ, што дзеянне гэтай пастановы не распаўсюджваецца на рэлігійныя мерапрыемствы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
09.07.2019 Навіны цэркваў| Тэгі: , , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты