Каталіцкія сустрэчы прайшлі ў Гудагаі і Радашковічах

Сотні людзей прайшлі крыжовы шлях з 18-ці стацыяў на дзесяцігоддзе Кальварыі ў Гудагаі разам з біскупам Юзафам Станеўскім, паведамляе catholic.by. Урачыстасці былі прымеркаваная да ўшанавання Маці Божай Шкаплернай. Вернікі з усёй Беларусі адраджаюць традыцыю народных кальварыяў, пагоркаў з крыжамі, каля невялікіх гарадоў і мястэчак.

Лейтматывам для сёлетняга фэсту стала назва ліста, які Папа Рымскі Францішак скіраваў да моладзі ўсяго свету — “Хрыстус жыве!”

У Радашковічах, у парафіі Найсвяцейшай Тройцы, адбыўся незвычайны фэст, прысвечаны народнам паэту Беларусі Янку Купалу (Яну Луцэвічу). Прысутных віталі ксёндз Юрый Быкаў і дапаможны біскуп Мінска-Магілёўскай архідыяцэзіі Юрый Касабуцкі.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі