На стадыёне «Трактар» пройдзе шматтысячны кангрэс Сведкаў Іеговы на тэму «Любоў ніколі не мінае»

З 26 па 28 ліпеня 2019 года тысячы вернікаў з усёй Беларусі збяруцца на мінскім стадыёне «Трактар» (вул. Ванеева, 3), дзе пройдзе традыцыйны штогадовы кангрэс Сведкаў Іеговы. У гэтым годзе яго тэмай будуць словы з Бібліі: «Любоў ніколі не мінае». Чакаецца прысутнасць каля 8000 дэлегатаў, якія прыедуць для біблейскага навучання і радасных стасункаў на працягу трох дзён.

«Насычаная праграма кангрэса падкрэсліць магутную і пераўтваральных сілу біблейскай весці пра любоў, — сказаў мясцовы прадстаўнік рэлігійнай арганізацыі Юрый Галай. — Сведкі Іеговы рады гэтай магчымасці сустрэцца і пагутарыць з аднаверцамі. Мы ўдзячныя адміністрацыі горада і стадыёна, якія ўжо не першы раз даюць магчымасць правесці гэтае мерапрыемства. Уладальнікі кафэ, рэстаранаў, гатэляў і славутасцяў таксама будуць рады прытоку гасцей ».

Падобныя кангрэсы пачынаючы з мая гэтага года праходзяць у больш чым 200 краінах на каля 400 мовах.

Пасля забароны Сведкаў Еговы ў Расіі частка расійскіх вернікаў прыедзе менавіта на беларускі кангрэс.

Важныя пункты праграмы. У дакладах, інтэрв’ю і відэароліках будзе падкрэслівацца важнасць выканання галоўных запаведзяў Хрыста: любоў да Бога і бліжняга. Праграма ў пятніцу пакажа, як любоў дапамагае пераадольваць наступствы цяжкага дзяцінства, хранічных захворванняў і беднасці. Серыя дакументальных відэаролікаў пераканае прысутных у тым, што навакольны свет поўны сведчанняў Божай любові. У суботу аўдыторыя пачуе, як біблейскія парады дапамагаюць бацькам, жонкам і дзецям ўмацоўваць повязі любові ў сваіх сем’ях. Нарэшце, у нядзелю прагучыць даклад «Любоў у свеце, прасякнутым нянавісцю». У ім будзе паказана, як любоў дапамагла мільёнам людзей па ўсім свеце пакончыць з нянавісцю і прадузятасцямі. У суботу і нядзелю адбудзецца прэм’ера двухсерыйнага мастацкага фільма пра біблійнага цара Ёсію.

Уваход на кангрэс вольны для ўсіх жадаючых. Пачатак праграмы ў кожны з трох дзён у 09:20.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
23.07.2019 Грамадства| Тэгі: ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты