Арцём Ткачук: Навошта будаваць вялікія касцёлы?

Раней я думаў, што гэта лухта. Выбрыкі святароў. Абы пабудаваць нешта велічнае. Думалася: “трэба перш будаваць супольнасці, хоць у полі. А касцёлы вялікія ці маленькія дададуцца пазней”. Яно, зрэшты, часам так і ёсць. І пры гэтай думцы застаюся. Аднак.

Вялікія будынкі – гэта таксама евангелізацыя. Для многіх людзей салідны будынак гэта саліднасць арганізацыі, сур’ёзнасць установы. Колькі разоў я чуў “мы ездзім у Катэдру, у нашу каплічку ня ходзім. Яна маленькая, невядома як там службы і што там”. Для многіх першы крок да Бога і пачынаецца з пераступання парога вялікага храма. Дыстрафія? Канешне! Але таксама сродак.

Апошнім часам я блізка звязаны з хрысціянскім цэнтрам samaranin.by. Распавядаючы бацькам пра каталіцкі садок і школу часта сутыкаюся з абыякавасцю. А вось калі людзі пераступаюць яго парог, кажуць “Ваў, але ж тут класна. Хачу сюды”.

Каталікоў не пераконвае факт існавання каталіцкага садка і вартасцяў, якія ён з сабой нясе. Пераконвае велічны будынак, куча заняткаў, выдатныя выхавацелі. Але вартасці так сабе. Сумна, але і радасна. Мы дакладна ведаем, як можна падштурхнуць чалавека зрабіць першы крок. Да Бога. Не да будынка.

Арцём Ткачук

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі