Партал “Крыніца.інфо” адзначыў 5 гадоў

У Менску на офісе Беларускай Асацыяцыі Журналістаў прайшло адзначэнне 5-годдзя міжканфесійнага хрысціянскага інфармацыйнага партала «Крыніца.інфо».

Вечарына пачалася з малітвы і прайшла вельмі цёпла.

Прысутнічалі заснавальнікі Анатоль Шырвель і Павел Севярынец, аўтары Эльвіра Гарошка, Аксана Ючкавіч, Аляксандр Тамковіч, Валер Мацкевіч, Вольга Севярынец, сябры Беларускай супольнасці хрысціянскіх журналістаў і блогераў ды чытачы, вернікі ўсіх хрысціянскіх канфесіяў.

Былі гарбата, кава, пірог, торт і нават марозіва. Выступілі рэдактары ды аўтары, знайшліся новыя валанцёры, з’явіліся цудоўныя ідэі для спецпраектаў і пашырэння “Крыніцы” ў сацсетках.

Дзякуй Богу за гэтую сустрэчу!

І таксама ў гэты дзень, дзень выхаду першай кнігі Бібліі Францішка Скарыны (Псалтыр, 1517), адзначыла свой дзень народзінаў Эла Ігараўна Оліна, наш аўтар і матуля намесніка кіраўніка БАЖ Барыса Гарэцкага.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі