На Філіпінах загінула валанцёрка. Гэта першая вялікая трагедыя ў гісторыі місіі айцоў езуітаў.

На Філіпінах была забіта езуіцкая валанцёрка. Яе сяброўка знаходзіцца ў цяжкім стане ў шпіталі. На валанцёрак напалі падчас рабавання дома, у якім яны жылі. Злодзея затрымала паліцыя.

Загінулая Джэніфер Баклі (Genifer Buckly)

 

Трагедыя адбылася на востраве Мінданао, дзе валанцёркі працавалі з беднымі дзецьмі і моладдзю. Абедзве належалі да службы езуіцкіх валанцёраў на Філіпінах і ў рамках гэтай арганізацыі ахвяравалі год свайго жыцця на служэнне самым патрабуючым. Джэніфер Баклі было 24 гады, яна скончыла езуіцкі ўніверсітэт і была настаўніцай. Яна памерла ад нажавых раненняў. У сваю чаргу 30-гадовую Ганну Кэтлін Гатдула, якая з’яўляецца адвакатам, некалькі разоў штурхнулі, калі яна абаранялася ад злачынца.

Гэта першая такая трагедыя за 40-гадовую гісторыю езуіцкага валанцёрства на Філіпінах. Равэна Кабунгкал Гус, старшыня арганізацыі, выказала спачуванне і вялікі жаль адносна гэтага выпадку. Яна таксама дадала, што спадзяецца, што дух валанцёрства і службы захаваецца.

Вікторыя Колзун, catholicnews.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
28.08.2019 Грамадства, Здарэнні|


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты