У нядзелю ў Івянцы распачнецца Міжнародны мастацкі пленэр “Святасць зямлі Беларускай”

У нядзелю 22 верасня 2019 года ў Івянцы  распачнецца традыцыйны, чацверты па ліку Міжнародны мастацкі пленэр “Святасць зямлі Беларускай”. У гэтым годзе творчы форум будзе прысвечаны 35-годдзю Сабора Беларускіх Святыхі 5-годдзю Маладзечанскай епархіі БПЦ.

Урачыстае адкрыццё пленэруадбудзецца ў нядзелю 22 верасня ў 9:30  з супольнай малітвы у храме прападобнай Еўфрасінні Полацкай ў Івянцы. Боскую Літургію ў гэты дзень узначаліць епіскап Маладзечанскі і Стаўбцоўскі Павел. Традыцыйна ініцыятарам мерапрыемства з’яўляецца прыход царквы святой Еўфрасінні Полацкай ў Івянцы, настаяцель якога – протаіерэй Віктар Перагудаў па благаславенні епіскапа Маладзечанскага і Стаўбцоўскага Паўла з’яўляецца і духаўніком пленэру.

Куратар пленэру – Глеб Отчык, першы намеснік старшыні Беларускага саюза мастакоў. Арганізатары праекта – Маладзечанская епархія Беларускай Праваслаўнай Царквы, ГА “Беларускі саюз мастакоў”, Мінская абласная арганізацыя ГА “Беларускі саюз жанчын”, Брацтва ў гонар Віленскіх мучанікаў у горадзе Мінску, УА “Маладзечанскі дзяржаўны музычны каледж імя М.К.Агінскага, Дабрачынны фонд імя прападобнай Еўфрасінні Полацкай. Плануецца, што ўдзел у праекце сёлета прымуць мастакі з чатырох краін. Акрамя беларускіх майстроў пэндзля ў пленэры будуць удзельнічаць прадстаўнікі з Расіі і Украіны.

Адметнасцю сёлетняга пленэру стане правядзенне творчага сумоўя ў фармаце круглага стала “Гісторыя народа, ўвасобленная ў духоўных вобліках”. У ім чакаецца ўдзел літаратараў, царкоўных гісторыкаў і мастакоў. У праграме пленэра запланаваны візіт мастакоў у Івянецкі дом-інтэрнат для дзяцей-інвалідаў з асаблівасцямі фізічнага развіцця, падчас якога адбудзецца канцэрт, падрыхтаваны сіламі выхаванцаў установы.

3 кастрычніка ў 16:00 у выставачнай зале Палаца культуры г. Маладзечна адкрыецца вернісаж. Урачыстую частку ўзначаліць епіскап Маладзечанскі і Стаўбцоўскі Павел.Прэс-падыход – у15:40.Завершыцца творчы форум выставай твораў мастакоў, удзельнікаў папярэдніх міжнародных мастацкіх пленэраў “Святасць зямлі Беларускай”, якая пройдзе 3 кастрычніка ў выставачным фае Маладзечанскага музычнага каледжа імя М.К.Агінскага ў 17:30.Арганізатары прадугледзелі продаж работ мастакоў, сродкі ад якога пойдуць на рэалізацыю дабрачыннага праекта “Мастакі – дзецям Лета” (дзецям з асаблівасцямі развіцця).

Папярэднія пленэры “Святасць зямлі Беларускай” праводзіліся ў гонар 900-годдзя памяці Міны Полацкага, 500-годдзя беларускага кнігадрукавання і памяці святой Валянціны Мінскай. Удзел у іх прынялі творцы з Беларусі, Расіі, Украіны, Малдовы і Чэхіі.  Мастацкія плэнеры сталіся заўважнай падзеяй у культурным жыцці рэспублікі, займелі сваіх сталых прыхільнікаў у прафесійным мастацкім асяродку і ў колах аматараў жывапісу, паспрыялі дыялогу творчай інтэлігенцыі і Беларускай Праваслаўнай Царквы.

Лепшыя творы ўдзельнікаў плэнераў захоўваюцца ў карціннай галерэі пры Івянецкім храме ў гонар святой прападобнай Ефрасінні Полацкай у Івянцы. Інфармацыя аб ходзе пленэру будзе публікавацца на інтэрнэт-сайтах Маладзечанскай епархіі БПЦ і Беларускага саюза мастакоў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
21.09.2019 Абвесткі, Навіны цэркваў| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты