Урад Кітая абавязаў цэрквы выконваць камуністычныя песні на набажэнствах

Да святкавання 70-годдзя Кітая ўрад абавязаў усе зарэгістраваныя цэрквы пачынаць набажэнствы з камуністычнага гімна.

Па распараджэнні ўладаў хрысціянскія абшчыны павінны прыняць удзел у святкаванні, якое адбудзецца першага кастрычніка. Пачынаючы з канца жніўня ў шмат якіх цэрквах набажэнствы пачынаюцца з спеваў дзяржаўнага гімна і цырымоніі ўзняцця сцяга, паведамляе Хрысціянскі Мегапартал invictory.com са спасылкай на International Christian Concern.

Цэрквы таксама праводзяць канцэрты, харавыя і танцавальныя конкурсы ў гонар святкавання. На ўсіх мерапрыемствах звычайна прысутнічаюць члены Аб’яднанага фронту, які курыруе рэлігійную дзейнасць ад імя партыі.

Хрысціянін-католік з правінцыі Хэбэй заявіў, што прымус цэркваў да ўдзелу ў патрыятычных мерапрыемствах супярэчыць ягоным рэлігійным перакананням.

«У нашай царкве мы з канца жніўня і кожнае богаслужэнне спяваем песні, якія ўсхваляюць камуністычную партыю. Ўсе прыхаджане павінны ўдзельнічаць. Нам нельга было прапускаць служэння, таму што чыноўнікі сачылі за намі », — адзначыў ён.

Іншы хрысціянін з правінцыі Фуцзянь распавёў, што ў яго царкве таксама пачалі спяваць камуністычныя песні.

«Сёння нас прымушаюць быць патрыятычнымі. Усе афіцыйныя цэрквы абавязаны спяваць песні, якія праслаўляюць краіну «, — адзначыў вернік.

Кітай займае 27 месца ў спісе краін, якія пераследуюць хрысціян (World Watch List) дабрачыннай праваабарончай арганізацыі Open Doors USA.

У хрысціянскай кампаніі патлумачылі, што ўрад ўціскае хрысціян, паколькі яны з’яўляюцца найбуйнейшай сацыяльнай групай (100 мільёнаў чалавек), якая не кантралюецца дзяржавай.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
26.09.2019 У свеце| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой Падзейнік - добры падарунак да святаў

Абвесткі

Рубрыка

Спецпраекты