Шматтысячны марш сем’яў прайшоў украінскімі вуліцамі

Тысячы сем’яў, духавенства і кансэкраваныя асобы прайшлі па вуліцах Вінніцы 22 верасня ў Эўхарыстычным маршы сем’яў.

Шэсце адбылося на завяршэнне Усеўкраінскага кангрэса сем’яў, які праходзіў з 20 па 22 верасня ў Шаргарадзе і Вінніцы пад лозунгам «Сям’я, моцная Богам». Кангрэс прайшоў у межах Года Святасці сужанства і сям’і, які праходзіць ў Рыма-каталіцкім Касцёле ва Украіне. Аднак у ім прынялі ўдзел не толькі католікі, але і прадстаўнікі іншых канфесій.

Да ўдзелу прыбылі сем’і з розных куткоў Украіны, прадстаўнікі розных канфесій і рэлігій.

Калі яны ішлі па цэнтральнай вуліцы горада з Найсвяцейшым Сакрамантам, усе разам маліліся, слухалі фрагменты Евангелля, прачытаныя ў кожнай з чатырох стацый, і слухалі кароткія разважанні біскупаў на тэму шлюбу.

Працэсія завяршылася ўрачыстай святой Імшой на гарадской плошчы, якую ўзначаліў арцыбіскуп Клаўдыё Гуджэроцці, Апостальскі Нунцый ва Украіне.

 

catholicnews.by

 

 

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
28.09.2019 Сям'я, У свеце|




Блогі