У адзіным лютаранскім храме Беларусі завершаная рэстаўрацыя вежавага гадзінніка са стогадовай гісторыяй

unnamed_resize

Стары гадзіннік зноў ідзе. У гарадзенскую кірху – адзіны дзейсны лютаранскі храм у Беларусі – хутка вернецца ўнікальны механізм. Яму больш за стагоддзе. Вежавы гадзіннік моцна пацярпеў ў гады Вялікай Айчыннай вайны. Ажывіў яго магілёўскі майстар Генадзь Галоўчык. Калі час дазволіў, распавядае ОНТ. 

913-ы год. У лютаранскую кірху ў Гародню па спецзамове з Германіі даставілі вежавы гадзіннік. Ён спраўна служыў да пачатку Вялікай Айчыннай Вайны. А потым амаль на 80 гадоў замоўк. Разбудзіў старадаўні механізм магілёўскі гадзіншчык Генадзь Галоўчык.

Гадзіннік ў Магілёў прывезлі па частках: сотні дэталяў, некаторыя былі згублены. Дапамагла нямецкая педантычнасць: у архіўных дакументах мануфактуры (так, яна дагэтуль існуе!) захаваліся дадзеныя пра механізм, зроблены больш за стагоддзе назад. Запчасткі прыйшлі ад завода-вырабніка.

Гарадзенская кірха – адзіная дзейсная ў краіне лютаранская царква. Пасля вайны там месціўся гарадскі архіў, і толькі ў 1995-м храм вярнулі грамадзе. З той пары тут замянілі лаўкі, арган, вярнулі спрадвечнае аблічча фасаду, зараз чакаюць вяртання гадзінніка на гістарычнае месца.

Чатыры цыферблаты і стрэлкі ўжо даставілі ў Горадню. Над імі майстар працаваў цэлы год – фактычна стварыў наноў.

1044680556_resize

Механізм пакуль застанецца ў Магілёве: цяпер ідзе важны этап – карэктаванне часу, каб гадзіннік заўсёды казаў праўду. За тым, як круцяцца шасцярэнькі, назіраюць гараджане – даўнейшы механізм на час стаў музейным экспанатам.

Гарадзенскі гадзіннік вернецца на сваё ранейшае месца гэтым летам. Большасць вернікаў кірхі ўпершыню пачуе яго голас. У вежу будуць пускаць турыстаў, бо каму захочацца даведацца, што па той бок цыферблата. Цяпер для гадзінніка падшукваюць наглядніка. Прафесія ўнікальная, але досвед ёсць: на суседняй вуліцы – Фарны касцёл. Там асцярожна сочаць за механізмам, якому ўжо больш за 500 гадоў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі