У цэнтры Мінска вернікі розных канфесій памаліліся за спыненне гвалту ў Беларусі

krestnyj_hod_20200813_brush_002_20200813131644_4e2a6284

13 жніўня прыблізна а 13.00, некалькі дзясяткаў чалавек сабраліся каля Свята-Духава кафедральнага сабора ў Мінску. Як паведамляе tut.by яны захацелі прайсці вакол храма з «хросным ходам супраць гвалту». Сярод удзельнікаў дзяўчыны ў белым з абразамі і кветкамі.

З храма выйшлі святары, але свайго благаслаўлення на хросны ход яны не далі, прапанаваўшы вернікам зайсці памаліцца ў царкву. Вернікі спачатку памаліліся каля ўваходу ў храм, потым частка з іх зайшла ўнутр.

Прыхаджанка храма Марыі Магдалены кажа:

– Улада ад Бога, але змена ўлады – таксама ад Бога. Мы не падставім святароў калі пройдзем вакол храма.

– Нельга чакаць, што аблокі разверзнутся і Бог скажа, што трэба ўладу мяняць, – лічыць прыхаджанка Алена.

Частка праваслаўных рушыла да каталіцкага Кафедральнаму сабору Панны Марыі на плошчы Свабоды. Тут сабралася каля ста вернікаў: з іконамі, кветкамі, наперадзе – харугва.

Пасля гэтага і каталікі, і праваслаўныя разам сабраліся каля Свята-Духава сабора і сталі разам маліцца за Беларусь. Тэкст малітвы чытае праваслаўны святар.

На плошчы каля сабора некалькі соцень чалавек. Многія стаяць на каленях, плачуць.

– Не хачу трываць гэтую ўладу 5 гадоў, і тым больш, каб мае дзеці гэта трывалі, – кажа пратэстант Максім, ён прыйшоў сюды з дачкой Евай і мамай Ірынай.

Калона з 200 чалавек на чале з каталіком дыяканам Юрыем перасунулася да ратушы, тут яны праспявалі «Магутны Божа».

Перад прысутнымі выступілі каталіцкія і праваслаўныя святары, яны асудзілі гвалт у дачыненні да мірных грамадзян. Звычайныя вернікі таксама маглі звярнуцца да прысутных.

Затым калона рушыла ў бок праспекта Незалежнасці, затым – у бок Чырвонага касцёл. Паводле ацэнкі нашага карэспандэнта, у калоне каля 200 чалавек, па дарозе да яе далучаюцца ўдзельнікі іншых акцый.

Каля гасцініцы «Мінск» калона вернікаў сустрэлася з калонай «дзяўчат у белым». Яны павіталі адзін аднаго і разышліся: вернікі – далей да Чырвонага касцёла, а «дзяўчыны ў белым» па супрацьлеглым баку праспекта Незалежнасці да Кастрычніцкай плошчы.

Калона вернікаў падышла да Чырвонага касцёла, тут яны памаліліся, потым – у СІЗА на Валадарскага: тут яны, стаўшы на калені, прачыталі малітву “Вітай, Марыя, поўная ласкі». У акцыі ўзяло ўдзел 150 чалавек. Затым калона рушыла да Нямігі, назад да Кафедральнага Свята-Духава сабора, да яе далучаюцца выпадковыя мінакі.

Тут пасля супольнай малітвы каля 15.30 вернікі разышліся.

 

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
13.08.2020 Беларусь| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты