Баптысты заклікаюць узмоцнена маліцца за Беларусь у верасні. За што канкрэтна?

180404_tumb_750Xauto

Саюз евангельскіх хрысціян баптыстаў заклікае ў верасні узмоцнена маліцца за Беларусь.

“Браты і сёстры, у гэты складаны час мы працягваем маліцца за нашу краіну і народ,праяўляючы любоў да людзей і вернасць Богу ў словах, добрых справах, малітве, думках і жаданнях, прароцтве, захоўваючы вернасць сярод нявернасці, – звяртаюцца служыцелі да вернікаў. – Працягвайце маліцца за ўсіх людзей, за начальнікаў (1 Цім. 2: 1-2), каб яны мелі страх Божы і памяталі, што над імі ёсць Вышэйшы суддзя, Якому мы ўсе дамо адказ (Рым. 14:12). Маліцеся за спыненне гвалту, а таксама за ўсіх пацярпелых і іх сем’і. Маліцеся, каб Гасподзь ўратаваў нас ад нянавісці, помсты і злобы (Рым. 12:19). Маліцеся аб аднадумстве паміж сабой (Рым.  15: 5-7). Маліцеся, каб народ навярнуўся праз Ісуса Хрыста да Бога і палюбіў Яго ўсім сэрцам, усёю душою і ўсім разуменнем бліжняга твайго, як самога сябе (Мц. 22: 37-40).

Таксама служыцелі просяць маліцца аб выкладчыках універсітэтаў, каледжаў, агульнаадукацыйных і нядзельных школ, каб яны, па прыкладзе нябеснага Настаўніка, вучылі любові і праўдзе студэнтаў і дзяцей, каб сеялі разумнае, добрае і вечнае. “Маліцеся за студэнтаў і дзяцей, каб яны імкнуліся да праўды і пабожнасці”, – кажацца ў пасланні да вернікаў.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
04.09.2020 Навіны цэркваў| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты