“Гэта вайна з касцёлам”. Гісторык-ватыканіст пра сітуацыю з Кандрусевічам

1531564_five

Гісторык-ватыканіст Аляксей Юдзін, дацэнт Цэнтра вывучэння рэлігій РГГУ растлумачыў, навошта беларускія ўлады анулявалі пашпарт арцыбіскупа Тадэвуша Кандрусевіча і не пусцілі яго ў Беларусь.

– Што гэта азначае? Навошта?

– Для беларускай улады, відавочна, пройдзеная ўжо кропка незвароту. І гэта цяпер раскрываецца ў самых непрыемных, жахлівых, парадаксальных момантах. Улада змагаецца за саму сябе. І не жадае ісці ні з кім на дыялог.

Пад ціскам апынуўся кіраўнік каталіцкай царквы Беларусі. Прычым ён беларус па паходжанні. Ён доўгія гады правёў у Маскве.

Па характары і поглядах гэта барацьбіт. Гэта чалавек з вельмі ясным, выразным светапоглядам. І – абсалютна дакладна – чалавек народа. Ён мне сам казаў, што праўладным ніколі не быў і не будзе.

Яму з уладай заўсёды было складана. Але ён выказваў меркаванне супольнасці, у дадзеным выпадку каталіцкай царквы ў Беларусі. Ён – яе голас, яе прадстаўнік. Цяпер пачынаюцца нейкія палітычныя гульні. І чым далей, тым больш дзіўнага, парадаксальная і жахлівага. Кандрусевіч нават не дысідэнт, ён не змагар з рэжымам. Ён змагар за свой народ. Тое, што адбываецца з мітрапалітам Тадэвушам Кандрусевічам – гэта ясная ілюстрацыя адкрытага, жорсткага канфлікту паміж народам і ўладай.

Ануляванне пашпарта – наогул нейкае вар’яцтва. Улада ўпала ў вар’яцтва. Гэта вельмі непрыемна.

– Ці магчыма, што сітуацыя зменіцца?

– Зразумела, што яна зараз ужо не можа не змяніцца. Калі яшчэ да выбараў былі нейкія надзеі, што ўсё будзе па-старому, то цяпер ужо па-старому дакладна не будзе. А гэта ўзрушэнне для краіны, вядома. І ўлада выразна, крок за крокам, вар’яцкімі крокамі, вядзе краіну да ўзрушэнняў.

Каталікі ў Маскве памятаюць, і не толькі ў Маскве, у Расіі, мітрапаліта Тадэвуша Кандрусевіча. І ўсе малітоўна і духоўна з ім.

Гэта не палітычны канфлікт, гэта вайна з царквой. Калі перанесціся ў іншую перспектыву, то можна зразумець, што такое царква. І мітрапаліт Тадэвуш Кандрусевіч – яе ясны і выразны голас. Ён не палітычны гулец, вось што трэба падкрэсліць. Ён наогул не ўмее гуляць у палітыку. Гэта яму чужое. Ён – голас царквы.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
19.09.2020 Каментары і аналітыка| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты