Мітрапаліт Веніямін выказаўся наконт спеву “Магутны Божа”

2020-10-14-pokrov35

У Гарадзенскім Пакроўскім саборы 14 кастрычніка адбылася літургія з  нагоды свята Пакроў Прасвятой Багародзіцы. Яе ўзначаліў мітрапаліт Мінскі і Заслаўскі Веніямін. Падчас свайго казання мітрапаліт агучыў сваё меркаванне наконт духоўнага гімну “Магутны Божа”. 

Мітрапаліт Веніямін параіў “не выконваць спевы свецкага характару, якія падзяляюць наша грамадства”. У якасці прыкладу ён прывёў спеў “Магутны Божа”. Мітрапаліт лічыць, што ў праваслаўных хрысціян дастаткова іншых духоўных спеваў, якія не падзяляюць, а аб’ядноўваюць грамадства.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі