Свята-Духаў сабор Мінска запрашае на штотыднёвы малебен аб сямейным дабрабыце

Штотыдзень, па нядзелях, у мінскім Свята-духавым саборы праходзіць малебен з акафістам святым Пятру і Фяўронні аб сямейным дабрабыце. Чарговы малебен адбудзецца 8 лістапада. Пачатак у 13.00.

Сям’я — аснова жыцця кожнага чалавека. Без падтрымкі родных, без свету ў сям’і, нарэшце, без “другой палоўкі” наша жыццё здаецца нестабільным, няпоўным. Патрэба ў сям’і і шлюбе натуральная, самы перакананы цынік і “воўк-адзіночка”, сустрэўшы сапраўднае каханне, усведамляе, як цяжка было аднаму і жадае захаваць здабытае пачуццё, стварыўшы сям’ю.

Аднак, стварыўшы сям’ю, трэба здолець яе захаваць. Паразуменне, клопат і беражлівыя адносіны адно да аднаго — залог кахання на ўсё жыццё. Але і гэта яшчэ не ўсё. У сучасным свеце, поўным спакусаў, упэўненая ў сваёй будучыні можа быць тая маладая сям’я, якая ускладае надзею на Бога: даўшы абяцанне адзін аднаму і Госпаду ў вернасці і ўзаемнай падтрымцы, у будучыні яны заўсёды змогуць нагадаць адзін аднаму пра гэта.

Пры цяжкасцях у сямейных адносіны, пры жаданні хуткага замужжа трэба звярнуцца да Госпада ў малітве, — адзначаюць ініцыятары правядзення набажэнства брацтва апостала Іаана Багаслова.

Брацтва апостала Іаана Багаслова запрашае ўсіх жадаючых на малебен аб сямейным дабрабыце з акафістам Пятру і Фяўронні.

Пасля набажэнства праходзіць чаяванне з гутаркай на тэму сям’і.

Адрас: Мінск, вул. Кірылы і Мяфодзія, 3.

sobor.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі