Хрысціяне запісалі відэа-зварот з асуджэннем рэпрэсій

Царква не маўчыць. Царква не застаецца ў старане. Царква салідарная з беларускім народам.

Гэтым відэа мы хочам далучыцца да лекараў, спартоўцаў, настаўнікаў, працоўных і іншых супольнасцяў у Беларусі.

Жыве Беларусь! Жыве з Багам!

У відэа-звароце гаворыцца:

“Бог стварыў чалавека па Сваім вобразе і падабенстве. Свабодным.

Адзінай уладай над чалавекам быў Бог.

Але людзі адмовіліся ад такога парадку рэчаў стаўшы рабамі граху.

Бог прадугледзеў для людзей іншую ўладу.

Біблія кажа: Кожная душа хай будзе пакорлівая вышэйшым уладам, бо няма ўлады не ад Бога; існыя ж улады ад Бога ўсталяваны.

Але ўлада, якая даецца Богам, не абсалютная.

Яна дадзена не для таго, каб чыніць беззаконне і выконваць свае жаданні.

Ва ўлады ёсць пэўная мэта: яна дадзена “для пакарання злачынцаў і для заахвочання тых, хто робіць дабро”

Крытэрам, па якім трэба вызначаць што ёсць добра і слушна, а што дрэнна, з’яўляецца не асабістая думка прадстаўнікоў улады, а слова Божае.

У грамадстве гэта грамадзянскі закон – Канстытуцыя Рэспублікі Беларусь.

Якую зацвердзіў беларускі народ, як адзіную крыніцу дзяржаўнай улады.

Наша грамадства не спрабуе зрынуць уладу, а патрабуе замены яе прадстаўніка і аднаўлення справядлівасці.

*****

Мы, хрысціяне, пакліканыя сведчыць пра Бога ў гэтым свеце, заяўляем:

Прадстаўнікі дзяржаўнай улады не з’яўляюцца абсалютным аўтарытэтам.

Над імі ёсць Бог і закон.

Грамадзянскія ўлады нясуць простую адказнасць перад Богам і законам за выкананне сваіх абавязкаў.

Мы таксама лічым, што дзеянні ўлады ідуць насуперак з усталяванымі Богам законамі.

Тым самым наклікаючы на сябе асуджэння і Таго, і другога.

*****

Мы заклікаем прадстаўнікоў выканаўчай, заканадаўчай і судовай улад пакаяцца і сысці са злога шляху.

Ісус Хрыстос, які прыйшоў аднойчы, для выратавання людзей, прыйдзе зноў.

Але не для таго, каб ратаваць.

А для таго, каб судзіць і кіраваць.

Яго тытул – Цар цароў і Валадар Валадароў.

Яму дамо адказ”.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі