Піліпаўскі пост — час нашай падрыхтоўкі да свята Божага Нараджэння

Пра сэнс Каляднага паста расказвае прафесар Мінскай духоўнай акадэміі і семінарыі протаіерэй Сергій Гардун.

Rogdestvenskiy_post___vremya_nasheybig

Калядны пост — час нашай падрыхтоўкі да свята Божага Нараджэння. І як важна, каб мы сапраўды прапусцілі праз сэрца сваё, праз свядомасць сваю асэнсаванне гэтай вялікай таямніцы, якая здзейснілася, таямніцы, якая неспасціжная чалавечаму розуму, але якая прымаецца вераю і прымаецца сэрцам. І вось каб наблізіцца да гэтай таямніцы Нараджэння, таямніцы ўцелаўлення Божага Сына, і ўсталяваны Калядны пост. Па-першае, ён уключае ў сябе, вядома ж, устрыманне ў ежы, таму што гэта дапамагае нам трошкі ўгаварыць свае цялесныя патрэбы, зрушыць іх на другі план і падумаць аб галоўным, аб духоўным, засяродзіцца на малітве, на богамысліі.

Калядны пост — гэта час асаблівы ў богаслужэбным плане, у гэты час здзяйсняецца памяць многіх прарокаў, якія прадказалі прышэсце ў свет Сына Божага: прарока Авакума, прарока Навума, прарока Аўдзея, прарока Данііла і трох яго сяброў хлопчыкаў Ананія, Азарыя і Місаіла. Калі ў буднія дні, у дні памяці іх нам не заўсёды атрымоўваецца быць у храме, ушаноўваем дома іх жыцьця, іх прароцтва — і вобразы іх, іх прадказанні, напружанае чаканне прышэсця ў свет Сына Божага і нам дапамогуць паўней адчуць вялікае і цудоўнае сакрамэнт Богаўцелаўлення.

На свята Увядзення ў храм Прасвятой Багародзіцы, якое заўсёды бывае неўзабаве пасля пачатку Каляднага посту, ужо спяваецца спеў, якога мы так чакаем “Хрыстос нараджаецца, слаўце! Хрыстос з нябёсаў, сустракайце!” І важна, каб для нас чыста бытавыя падрыхтоўкі да свята не захілілі самае важнае, самае галоўнае — нашую духоўную падрыхтоўку.

У Калядны пост кожны хрысціянін павінен знайсці час, каб папасціць, засяродзіцца на сваім жыцці, падумаць пра грахі, падрыхтавацца да сакрамэнту споведзі, прынесці пакаянне перад Богам і прычасціцца святых Хрыстовых Тайн. І наогул падчас посту трэба старацца як мага часцей бываць на царкоўных набажэнствах, таму што служба Боская, тыя тэксты малітваў, якія чытаюцца, якія спяваюцца ў храме, нас сапраўды набліжаюць да той радаснай падзеі, якая здзейснілася 2020 гадоў таму назад. Будзем чакаць гэтага вялікага свята, будзем рыхтавацца да яго постам і малітвай.

Sobor.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
28.11.2020 Без рубрики| Тэгі: , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты