У Івацэвічах на суткі адправілі святара

Грэка–каталіцкага святара Віталя Быстрова судзілі ў судзе Івацэвіцкага раёна за ўдзел у масавай акцыі 25 кастрычніка ў Брэсце.

svja-bystrov-1-30112020-1200x500

Справу разглядаў суддзя суда Івацэвіцкага раёна Васіль Аўрусевіч.

Святара Беларускай грэка-каталіцкай царквы Віталя Быстрова абвінавачваюць па артыкулу 23.34 адміністрацыйнага кодэксу — парушэнне закона аб масавых мерапрыемствах.

У пачатку паседжання суддзя спытаў святара, ці давярае ён суду

“Не”, — адказаў святар.

Суддзя папрасіў назваць падставы, па якіх ён не давераць суду.

“У апошні час усталявалася несправядлівая судовая практыка ў дачыненні да разгляду спраў па артыкуле 23.34”, — растлумачыў святар.

У выніку Віталь Быстроў не стаў заяўляць хадайніцтва аб адводзе суддзі і разгляд справы працягнулася.

Праваахоўныя органы прадстаўляў ўчастковы Івацэвіцкага РАУС Андрэй Іваніў. Ён растлумачыў, што ў РАУС прыйшлі матэрыялы праверкі па Віталю Быстрову з Брэста:

“Да нас у Івацэвіцкі РАУС прыйшоў матэрыял праверкі з Брэста з ГУБАЗіК па факце ўдзелу Быстрова Віталя 25.10 у масавым мерапрыемстве”.

Міліцыянт патлумачыў, што да матэрыялаў праверкі былі далучаныя здымкі, а таксама відэазапіс з той самай акцыі.

Святар у судзе сваёй віны не прызнаў. Ён заявіў, што 25 кастрычніка быў накіраваны ў Брэст з Івацэвічаў для здзяйснення літургіі ў мясцовым грэка–каталіцкай парафіі св. Пятра і Андрэя. Праз некаторы час пасля службы ў царкве ён ішоў у адзенні святара (падрасніку, з крыжом) па вуліцы Савецкай.

Разгледзеўшы матэрыялы справы, суддзя Васіль Аўрусевіч прызнаў святара Віталя Быстрова вінаватым ва ўдзеле ў несанкцыянаваным масавым мерапрыемстве.

“Суд знаходзіць даказанай вінаватасць Быстрова Віталя Валер’евіча ў здзяйсненні правапарушэння, прадугледжанага часткай 1 артыкула 23.34 і на падставе санкцыі дадзенага артыкула падвяргае Быстрова Віталя Валер’евіча адміністрацыйнаму спагнанню ў выглядзе адміністрацыйнага арышту тэрмінам на 10 сутак. Тэрмін арышту вылічаць з 30 лістапада 2020 года з 11 гадзін 5 хвілін “, — зачытаў рашэнне суддзя Васіль Аврусевич.

Пасля суда міліцыянт выклікаў аўтамабіль з РАУС і святара Віталя Быстрова павезлі ў ІЧУ адбываць пакаранне.

Паводле 1reg.by.

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Па магчымых пытаннях звяртайцеся на krynica.editor@gmail.com
30.11.2020 Беларусь, Грамадства| Тэгі: , , ,


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты