Калі арцыбіскуп Кандрусевіч пойдзе на пенсію, залежыць толькі ад Папы Францішка

10 снежня Каталіцкае інфармацыйнае агенцтва КАІ апублікавала поўны тэкст інтэрв’ю з Мітрапалітам Мінска-Магілёўскім арцыбіскупам Тадэвушам Кандрусевічам, у якім Старшыня Канферэнцыі Каталіцкіх Біскупаў у Беларусі, між іншым, выказаўся пра свой выхад на пенсію.

У размове з журналістамі польскага агенцтва КАІ Марцінам Пшэцішэўскім і Кшыштафам Тамасікам арцыбіскуп Тадэвуш Кандрусевіч, у прыватнасці, сказаў:

— Яшчэ іншая справа, што 3 студзеня наступнага года мне споўніцца 75 гадоў. Я афіцыйна падаю прашэнне аб сыходзе з пасады і павінен выйсці на пенсію. Я ўжо напісаў просьбу аб адстаўцы і ў бліжэйшы час перадам яе нунцыю.

— Папа можа працягнуць тэрмін паўнамоцтваў арцыбіскупа…

— Я не ведаю. Усё залежыць ад Святога Айца.

Рэдакцыя парталу Catholic.by папрасіла пракаментаваць гэтыя словы арцыбіскупа Тадэвуша Кандрусевіча ксяндза каноніка Дзмітрыя Пухальскага, які з’яўляецца канцлерам Курыі Мінска-Магілёўскай архідыяцэзіі і спецыялістам у галіне кананічнага права Каталіцкага Касцёла.

«Паводле канона 401, параграф 1, кожнаму дыяцэзіяльнаму біскупу, калі яму спаўняецца 75 гадоў, прапануецца падаць прашэнне аб сыходзе з пасады Святому Айцу, які, разважыўшы ўсе абставіны справы, прыме сваё рашэнне.

Але гэта не азначае, што па дасягненні 75-гадовага ўзросту дыяцэзіяльны біскуп аўтаматычна ідзе ў адстаўку.

Дыяцэзіяльны біскуп перастае выконваць свае абавязкі толькі пасля таго, як яго адстаўка будзе прынята Святым Айцом», — падкрэсліў святар.

Catholic.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
12.12.2020 Беларусь| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты