Зварот біскупаў Евангельскіх цэркваў Беларусі ў сувязі з сітуацыяй вакол Царквы “Новае жыццё” г. Мінска

Мы, біскупы аб’яднанняў Евангельскіх цэркваў Беларусі, выказваем нашу заклапочанасць у сувязі з прымусовым высяленнем царквы хрысціян Поўнага Евангелля «Новае Жыццё» г. Мінска з будынка па вул. Кавалёва, 72, якое было набыта імі законным чынам, калі будынак знаходзіўся яшчэ па-за сталіцай. Цяжкасці з юрыдычнымі і практычнымі пытаннямі па пераафармленні і эксплуатацыі будынка у царквы сталі ўзнікаць пасля далучэння тэрыторыі, дзе знаходзіцца будынак, да горада Мінска. На жаль, за 15 гадоў ўладамі горада не было прапанавана ні аднаго, якое б задаволіла абодва бакі, рашэнні. Наадварот, 17 лютага 2021 г. царква «Новае Жыццё» была выгнана з будынка ў мароз практычна на вуліцу.

У Бібліі сказана: «Таму, калі пакутуе адзін член, пакутуюць разам з ім усе члены; славіцца адзін член, з ім радуюцца ўсе члены. І вы — цела Хрыстова … ». Выказваючы адзіную пазіцыю, мы лічым, што падобныя дзеянні недапушчальныя ў дачыненнi да любой царкоўнай абшчыны, незалежна ад канфесійнай прыналежнасці, і службовыя асобы, якія дапусцілі такое развіццё падзей, павінны сумесна з прадстаўнікамі абшчыны і біскупам Аб’яднання ХПЕ пачаць пошук рашэння дадзенага пытання з намерам вырашыць яго прымальным для ўсіх бакоў спосабам.

Заклікаем усе Евангельскія цэрквы маліцца аб сітуацыі, якая склалася з даверам Богу Усеўладнаму, Судзьдзі праведнаму і справядліваму!

У Хрысце,

Біскуп Аб’яднання суполак хрысціян поўнага Евангелля Вараненка Леанід Пятровіч

Біскуп Аб’яднанай царквы хрысціян веры евангельскай Цвор Сяргей Паўлавіч

Біскуп Саюза евангельскіх хрысціян баптыстаў Міховіч Леанід Іванавіч

 

gospel.by

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com
19.02.2021 Беларусь| Тэгі:


Падобныя навіны


Апошнія навіны

Апошнія навіны

Блогі
Падтрымаем сайт талакой

Абвесткі

Рубрыка

Спецпраекты