Ноч Вялікага Чацьвера

Ноч Вялікага Чацьвера выглядае ўрачыстай, жудаснай і супярэчлівай. Сяброўскі стол і здрада, найбольшае сьвята і трагедыя, Божы Сын становіцца рабом пакуль людзі жэстачайшэ тупяць ды мараць пра каралеўскія палацы самі будучы ў ланцугах граха.
У Вялікі Чацьвер Ісус нібы раб мые ногі вучням, дзеліць хлеб са здраднікам, тлумачыць новы сэнс Пасхальнай вячэры, кажучы, што Яго плоць і кроў (як калісьці пад час Выхада з рабства эгіпецкага плоць і кроў ягняці) ратуюць не проста ад тыраніі фараона, але ад страшнейшай бясконцай дэспатыі віны і граха.
Таксама ў гэтым вечар Ісус моліцца за вучняў, каб яны былі ў адзінстве. Праўда выглядае неверагодна актуальным, таксама зьвяртаючы нас да сацыяльнай сутнасьці граха, які раздзяляе людзей і прымушае нас ненавідзець, зайздросціць, жадаць чужога…
Гэты вечар зьнітаваны з чаканьнем. Такім знаёмым усім беларусам. Змрочным чаканьнем на Аліўнай гары. Хрыстос добраахвотна чакае на жудасную долю не толькі здзекаў суайчыньнікаў ды акупацыйнай адміністрацыі, крыжовай сьмерці, але і страшнай чары гнева, якую Ён неўзабаве выпье за сьценамі Ерусаліма на крыжы за ўсіх веруючых.
Страшная і цёмная ноч Чацьвера не скончыцца самотай, здрадай, арыштам, але славай і надзеяй першых помняў сонца раніцы Нядзелі і Уваскрасеньня! Ноч заменіцца днём, слава і радасьць прыйдуць на зьмену страху і роспачы. Бо нашая надзея не ў малых і кволых патугах чалавека, але ў Хрысьце, Сыне Божым, Які пайшоў на крыж і Уваскрос!

Зміцер Хведарук

Шаноўныя чытачы! Krynica.info з’яўляецца валанцёрскім праектам. Нашы журналісты не атрымліваюць заробкаў. Разам з тым праца сайту патрабуе розных выдаткаў: аплата дамену, хостынгу, тэлефонных званкоў і іншага. Таму будзем радыя, калі Вы знойдзеце магчымасць ахвяраваць сродкі на дзейнасць хрысціянскага інфармацыйнага парталу. Пералічыць сродкі можна на тэлефонны нумар Velcom: +375 29 6011791. Па магчымых пытаннях звяртайцеся на krynica.editor@gmail.com




Блогі